【開箱文】Kanebo 之Lunasol and Coffret D’or

當你行過Kanebo 的counter，你都會見到Impress、 Luasol 同 Coffret D’or。你也許會問，有乜分別……對我來說， IMPRESS 就係最尊貴的，LUASOL 就係中等，Coffret’ Dor 就最親民。佢哋都有化妝品和護膚品。 在化妝品而言，我印象中IMPRESS 都係底妝為主，而LUNASOL 就最多化妝產品……基本上，你想到的，都會有。COFFRET’ DOR 的產品則不及LUNASOL 咁多，但都足夠你化一個全妝。

也許，你會問咁質量又有什麼差別~我覺得在KANEBO 的產品而言，係一分錢，一分貨…。對我來說，已是AGING SKIN，所以底妝要用好一點。但眼影、胭脂嗰啲，就係係買顏色，買個TREND。 而KANEBO 的出品，就算係最親民的價錢，質量都有番咁上下，上色易，亦相當LASTING。

這季， LUNASOL 就出了一隻01 beige beige 的set 裝。 基本上，LUNASOL一盒多色眼影，大概HKD440，而這SET，有shadow、小lip gloss 同眼線筆就$490，都幾化算架。而日系產品多數係BLING 的，但這SET，色C 同B 都係啞色 (所以我先會覺得佢特別)。 除咗做眼影，我仲可以用佢打吓鼻影。而A 的閃片最大，但冇乜色，你可以on top 加在任何色系的眼影上，營造bling bling 效果。 D側係帶點霧光+好少閃片的深啡，你可以造聚位放大雙眼又得，更可以直接用佢造light smokey。

這次, 我只造了個淡妝:

mix C同B 畫眼蓋 畫好眼線後，就用D blend soft 條眼線 眼頭畫上A。

而COFFRET D’OR 的GLAMOROUS EYES 則$320~一盒就包埋SHADOW 同眼線。我選的都係beige 系~12 Beige Variation。

大家都係beige，COFFRET D’OR 的所有色都帶閃片的，所以眼影粉的粒子都會比LUNASOL 的大小小。佢個眼線膏好滑，一拉就造到好smooth 的眼尾線條。我只係跟佢果盒的指示去化，第一個妝 (但因我自己的眉頭已好凸出，所以略略減咗用左上的cream 色去hightlight 眉頭位)。顏色都係淡淡的。之後，我略加重啲，用眼影膏下的深啡色blend 了整個眼蓋，有點smokey 的感覺。但blend咗後，我發覺眼線不夠明顯。所以我用了rmk 的眼線筆 (啡色) 去加強眼尾部位。

只化了眼線:

:

上: 跟盒上的指示化

下: 改為小小smokey

再在日光下影多次light smokey，啲色出啲……

不得不再推介吓，以下產品 (雖則與本文無關):

左: Lunasol 漸變色胭脂。啲色好薄，好透~可惜相片反映唔到。同埋用佢，可以造埋highlight~令氣色更好。因為啲色好透，所以用實毛小小的胭脂掃會比較好。

中: MASCARA 係好個人化的 (因每人眼睛的水油分泌不同，所以真係要花啲時間揾一隻絕對啱你的產品)。 而RMK 的MASCARA，真係好啱我……更愛佢造到纖長而線條分明。如你細心看，我化LUNASOL 時，係用別的Mascara，比較厚身和有啲位一pat 的。但化COFFRET D’OR 則用了RMK……睫毛靚好多！

右: RMK 的liquid eyeliner……我一般都係用啡色的眼線，令自己的眼看起來溫柔些。但好多眼線會溶的，但rmk 的不會化開又不會溶，相當longlasting。就算你捽眼 ~ 嗱……咁真係會甩啲……但都唔會化的，甩出嚟係一片片….…輕輕抹走就ok……不會變熊貓眼的。