有個小道消息流出，當晚無人肯拎個喼去安檢。因為萬一入面有啲乜，一定係職員食死貓啦，唔通龍蝦幫你孭飛？食呢隻死貓隨時轉身坐洗頭艇，又或者用自己個方式返左大陸？邊個知丫？

當晚搞左成個鐘都未搞掂有兩個原因。第一係成班經理級係度Google位女士背景，萬一佢同另一名「囡囡」一樣鐘意吸煙飲酒，隨時個喼入面有毒品。你知啦，特登漏個袋係禁區外，要職員拎個袋去做安檢，好似電視廣告咁陌生人叫你幫手拎嘢過關，有邊個肯制丫?仲要衰左一定要硬食死貓。經理們Google發現呢位女士學歷背景好似幾好，網上又無乜人話佢衰，所以決定處理呢件事。

第二個搞咁耐都未搞掂原因係無人肯出馬去搞。你知啦，689出名用完即棄，君不見Dream bear，上海仔之事乎？無著數隨時中伏既野邊個肯做。結果老屎忽決定抽籤，睇下邊個可以咁「榮幸」拎到呢份功勞，實際當然係抽生死簽。最尾老屎忽派出最低級既助理經理去親手處理呢件事，包括個袋既handover事宜。

至於生死簽入面班總經理、高級經理、經理、副經理有無做假，硬俾呢啲Dirty work 俾助理經理呢？經理級既人要抽生死簽咁岩最低級既助理經理抽中既？真係事有巧合，大家睇報紙都知，啲高層係電話度隔空指揮助理經理整個Handover過程。

689搞到咁大件事，成班高層都匿埋係房，只肯搖距監控一切。嘩！究竟生死簽有無做假，大家係職場打滾咁多年，你懂的。