【摩拳擦掌十年】手工Gelato雪糕泡芙好味到癲

今晚我們去試手工雪糕泡芙 ...當到達麼地道， 阿太：「E...乜牛牛變咗貓頭鷹， 靚咗咁多嘅」

事緣Owl's Choux現址， 前身就是另一隻動物的雪糕， 兩星期就變身意大利風情話， 賣靚靚 泡芙雪糕。

打工十年的Ricky， 半年前決定與甜品達人拍檔， 攜手賣意大利手工雪糕及法式泡芙. Ricky:「因為我好鍾意食呀！

原來手造一批雪糕，  大約需要一小時. Ricky：「所以一雙手， 每日都造得唔多， 每款大約40-50個， 有時假期會一早就無得賣」

四款泡芙 $58 有專屬的雪糕， Ricky：「客人都可以自己配其他雪糕， 但可以我哋就唔落醬， 因為怕味道唔夾」

8款手工雪糕， 全部可以試食， 貪心家庭當然不會放過免費食雪糕的機會。

專一的SY：「我要朱古力就得喇」， 而阿太就買了單球($43) 藍莓乳酪。

阿太大讚， 但我則不太喜歡乳酪的質感， SY：「好酸呀！ 媽媽你唔覺咩？」(阿太飲檸茶可以唔落糖， 梗係唔怕酸啦)

Ricky：「有客人Order， 我哋就將泡芙加熱4分鐘， 咁出嚟口感就會好脆」

泡芙初型是這樣子...我對SY說：「原來頭先好似個菠蘿包嘅嘢， 係咁細個變出嚟喎」， SY：「有D似雞蛋仔」

手工Gelato雪糕， 我愛的奶滑口感， (咁樣先叫雪糕麻！)，  單單以雪糕來說， 低甜的味道， 絶對零罪惡感啦！！ 

「天鵝絨蛋糕 配 雲尼拿杏仁雪糕 $58」簡直天仙配， Ricky：「連我都最鍾意食， 通常亦都係最快賣晒嘅一款」

泡芙內加入了玫瑰士多啤梨醬， 當溶入杏仁雲呢拿內， 興奮程度似平價成天入手盒絶版Bearbrick。

剛才試食時， 花生醬雪糕與香蕉拖肥都非常令仁心如鹿撞， 十五十六...不過， 如雪糕夾入杏仁泡芙， 因為Ricky會加入焦糖， 整個泡芙的甜度變得有點高喎...

Ricky：「本來我哋用榛子味， 但因為賣晒」幸雪糕混了低溫爆谷， 算中和了少少甜味。另外， 店內有暖水提供...食完泡芙， 飲杯暖水， 舒服晒！

強烈推介靚到絕天鵝絨雪糕泡芙， 肯肯定無得輸。而且包你一定一邊食，一邊笑住回家， 因為實在好味到太癲。

OWL’S CHOUX