雷晴雯演繹情緒健康案例百感交雜

藝人雷晴雯Winnie（前名雷穎怡）日前為香港電台新節目，關注情緒健康問題的《快樂從心開始》拍攝其中一個講述《自卑》的案例，對今次有份參與演出，Winnie直言內心百感交雜：「其實呢十幾年我都好渴望可以為情緒病患者做啲嘢，希望能夠將乜嘢係「情緒病」嘅正確訊息同社會大眾分享，等大家能夠了解點先可以真正幫到呢群已經立於懸崖邊緣，再唔加以開導、關懷同照顧就極有可能惡化成「情緒病」嘅有需要人士。所以當日接到通告知道係講同情緒健康有關嘅案例演繹時，完全唔使考慮就馬上應承。」

Winnie 與母親走過四年與淋巴癌戰鬥的日子，期間患上抑鬱及厭食症，體重一度跌至只得 86 磅

Winnie不諱言，她會如此關心情緒病及情緒健康問題，全因已故外婆及亡母畢生受盡情緒病的困擾及折磨。Winnie表示自幼便親眼目睹母親多次抑鬱症病發，最終病情更嚴重至醫生宣告藥石無靈，Winnie慨嘆當時情緒病並未被大眾正視和接受，常以「癡線」、「精神病」等去形容情緒病人，偏偏這些字眼對情緒病患來說如同利刃，Winnie心痛憶述，在她二十歲時，就是因為有報章以血紅大字寫其母有「精神病」作娛樂版頭條標題而令其母大受刺激，病情瞬間急劇惡化，差一點點就變六國大封相，當年情況實在把Winnie嚇傻，如今往事重提Winnie仍猶有餘悸、心痛難當。

▲(左起) 石俊傑、雷晴雯、張振中、黃子洋

翻查資料，發現Winnie曾於網上發表過多篇與情緒健康、情緒病及抑鬱症相關的文章，文中她更提及自己曾兩度患上抑鬱症，小編向Winnie求證時Winnie直認不諱：「第一次係我媽咪患淋巴癌末期我長期喺醫院陪佢照顧佢嘅時候，另一次係五年前脊椎重創到近乎癱瘓，只能瞓床同坐輪椅嗰兩年。」問Winnie何以會把病情撰文公開發表，她的坦然不禁令人佩服：「每個人都會病，有病咪去醫囉！越早面對就越容易康復！情緒病其實同癌症一樣，癌症因細胞病變引起，情緒病係腦細胞出咗問題，腦部分泌物傳遞失去平衡，以致喪失情緒、動力、思維等控制能力，情況等同『斷線』咁。好多人都會勸／安慰病者『唔好諗咁多』、『放開啲』、『諗多啲開心嘢』，『笑多啲』，其實佢哋唔係唔聽、唔試、唔做，而係佢哋嘅腦細胞『斷晒線』，唔駁返好晒的話就算佢哋再想做都係無辦法做到。」

Winnie說：「情緒問題或情緒病於我眼中不過如同傷風感冒，最重要反而係自己或親朋好友點樣可以察覺到開始出現情緒問題。問題出現就必須勇敢面對，切勿諱疾忌醫。對有需要嘅人或患者多付出一點愛同耐性，俾佢哋適當嘅關心同慰問，帶俾佢地多啲正能量，等佢哋確切體會到何謂真正嘅《快樂從心開始》」。