每次去旅行，離開一個自己熟悉既地方，好多人都會覺得當地既事物特別美好，甚至覺得人都開心啲，但如果要睇嗰個國家既快樂指數，都要基於當地既環境因素、政府政策等而作決定。由2012年開始，World Happiness Report 每年都會發表世界快樂報告，2016年既「最快樂國家」及「最不快樂國家」都已經公佈咗，以下為你呈現既頭五位，有邊啲地方你去過呢？
最不快樂國家
第五位：貝南（Benin）
位於非洲西部的國家貝南，由多個民族組成，當地人一直都為基本生活而煩惱，例如乾淨食水，足夠糧食，就連現今社會必不可少既電力，當地國家喺供應上都出現困難。貝南喺外界一直歸類為第三世界國家，當地人民的平均壽命只有59歲，遠低於全球平均水平的71歲。
第四位：阿富汗（Afghanistan）
中東國家之一既阿富汗，近年一直受到戰亂影響，當地居民經常生活在荒亂既環境，或者受襲的陰霾之下，國民的居住環境、生活條件未能滿足。
第三位：西非多哥（Togo）
同樣位於西非，鄰近貝南的國家多哥，長年政局不穩，國家經濟受到政局同埋被國際孤立所影響，成為全球最貧窮的國家之一。鄰近非洲西部海岸既多哥，由昔日運送黑奴到歐洲國家，變成今時今日偷運象牙出口既熱門地點。
第二位：叙利亞（Syria）
本來充滿歷史遺址既叙利亞首都大馬士革（Damascus），近年受伊斯蘭國武裝組織的大肆破壞後，城市內的大部分歷史建築物，以至民房都完全被破壞，國內經濟受到破壞，大部分平民都死於戰亂，莫講生存環境未被滿足，就連生存權利都被剝奪。
第一位：中非蒲隆地（Burundi）
位於非洲中部既蒲隆地，係報告中所指既最不快樂的國家，國家長年受貧窮同內亂問題困擾，其中兩大族人胡圖族同圖西族矛盾不斷，國內的經濟發展長年受呢啲動蕩因素所影響；唔少國民更會被捲入內戰中，遭受酷刑、暗殺呢啲非人道對待。
最快樂國家
第五位：芬蘭（Finland）
北歐國家除了一直俾人感覺好神秘，仲俾人一種烏托邦既感覺，可能同北歐國家多年都踞於最快樂國家既高位有關。根據列格坦研究機構的全球繁榮指數（Legatum Institute’s Prosperity Index）顯示，芬蘭是歐洲第八大國之一，亦是生活質素很高的國家，其中國家既教育制度，鼓勵學生勇於學習。
第四位：挪威（Norway）
挪威曾經榮登全球繁榮指數首位，但繁榮並唔等於人人要不停工作，就以挪威人既工時為例，當地打工仔一星期返五日，每日法定工時7.5小時，萬一要OT，老闆都必定要俾返百分之五十，或者百分之百「補水」。咁打工仔可以有多啲私人時間，又唔使吓吓Home Office，得閒可以做自己喜歡既野，人都開心啲啦！
第三位：冰島（Iceland）
位於格陸蘭島既冰島，雖然要喺漫長既冬天生活，日照又唔長，但當地豐富既自然風光，包括瀑布、溫泉、火山，間歇泉、冰川、洞穴等等，往往令冰島人投放更多時間進行戶外活動；就連當地一啲樂隊表演，都會隨意喺一塊山脈之間既綠草地上面舉行，人人隨意坐草地聽歌，感覺幾自由！
第二位：瑞士（Switzerland）
曾經生產多項名錶既歐洲國家瑞士，除咗喺鐘錶業出色之外，就連機械化工、保險業等都絕不遜色，令它成為世界上具競爭力的國家之一。此外，國家被森林、湖泊所包圍，當地的天然環境優越，令當地既空氣污染相對較輕微，國民處於咁健康既環境，難怪平均壽命有成82.8歲。
第一位：丹麥（Denmark）
有童話故鄉之稱既丹麥，過往多次成為世界快樂報告中「最快樂國家」既頭幾名，究竟丹麥人既幸福感來自邊度？當地社會既高福利，以及社會平等概念，一直都係丹麥人引以為傲既元素。喺丹麥，有飯食、有屋住都係當地人既基本調子，就算你喺失業者或者流浪漢，都分別可以獲得政府既救濟金，以及申請由政府分配既廉價救濟房屋。生活條件咁優越，點會唔幸福呢？
來源：Telegraph
