話就話「男女朋友」咁，男人又好似睇落好豪邁，咩都唔會介意。但其實你又知唔知道對於呢班硬漢子黎講，有啲說話真係點都唔講得，講完佢內心就會火山爆發，即刻可以反晒面？
唔好話小編唔教精你呀！下面呢10句野真係唔好係自己男人面前講出口！否則後果自負呀！
▼「唔使理我喎！我無野呀！」▼
呢句野應該係情侶相處既時候都經常出現，好多人根本自己嬲緊但就習慣扮無野，叫對方唔好理自己。咁樣除左無解決到兩者出現磨擦既原因之餘，更會有機會令男方變得冷漠，因為你真係話自己無野唔使佢理你丫嘛！
▼「哇！我以前個男朋友都係咁架！」▼
喂喂喂！好大既膽呀！竟然係自己個男人面前提起你之前個男人？對於佔有慾極高既男人黎講簡直係死罪黎！唔該真係收埋係心入面好喇！換轉諗下男朋友忽然講：「我以前個女朋友都係咁架！」你都會吃醋啦？同埋會令你諗起：「唔通佢掛住佢個EX？」
▼「我真係好肥呀！！！好憎自己咁肥！」▼
成日聽住同一句說話，鐘意你都覺得煩啦！更甚既就係如果你男朋友都唔介意，無謂逼佢同意你既講法啦！如果你真係想減肥，不如就坐言起行啦！唔好成日得個講字，呻完都唔會瘦架喎！
▼「嘖！我咪搵過第2個。」▼
有時比男友激一激，女仔就會衝口而出話：「我咪搵過第2個男朋友囉！無左你我會死咩！？」無錯講完之後，係會激親對方，但講真呢句說話簡直係直插心臟，超Hurt！你講得出既話就真係預左有分手既可能先好講，如果唔係到時佢因為咁而走左，就唔好怨人喇！
▼「你真係無事？真係無野？」▼
擔心對方係需要既，但過分既擔心就會令人透唔到氣。咁樣除左令佢無左自己既空間同時間消化正在面對既事情，仲有可能令佢需要騰出更多時間同你解釋。所以都係默默係佢身邊支持，等佢慢慢解決自己的問題吧！
▼「你覺得前面個女仔正唔正！佢對腳靚過我好多囉！」▼
你咁樣問佢，佢都唔知答咩好。答「正」，就會比你話掛住睇女仔，唔鐘意自己喇；答「唔正」，就會比你話講大話，好鬼假。咁所以你話唔嬲就有假啦！唔好再問喇！
▼「我個frd比人飛左呀！唔好話比人聽喎！」▼
可能有時自己心裡面有點點既壓力，會想講出黎比男友聽下，但其實講左出黎又要訂下規條，係會加重佢地既負擔，令佢地捲入本身唔想參與既漩渦裡面。假如自己男朋友係識自己個frd個男友，咁就真係出晒事啦！所以女仔之間既秘密都係收埋比女仔知好喇！
▼「如果我地結左婚呢~」／「如果我地生左BB呢~」▼
女仔的幻想好多時候都會圍繞住同另一半組織家庭，關於未來大家一齊相處既完美畫面。但係自己而家只係男女朋友關係，或者對方真係未有諗到咁遠架！如果成日都提住類似既話題，男方就有機會覺得你係比壓力佢。其實呢啲野真係無得逼架！都係順其自然啦！
▼「哎呀放左督屁~ 呵呵」▼
雖然話就話兩個人一齊左，形象咩野都唔會點理，但點都要顧及場合，有番少許既矜持好啲~
▼「你阿媽好煩！」▼
就算幾唔鐘意伯母，佢點都係你男人個阿媽，都係一個長輩，所以都係唔好咁直接，比番少少尊重較好。留番啖氣去做自己鐘意既事，莫為自己不喜歡的人生氣啦！
來源：shareonion
