每次同一大班朋友食完飯，佢地都一定會想講多幾句，而提議順路去甜品舖食下甜品。但係對於一直控制住自己飲食既女仔黎講，食甜品往往都會令自己既減肥計畫化為灰燼，一客雪糕就已經超出左自己既預算。所以聽到朋友突然建議食番個甜品，雖然自己心底裡好想食一啖，但講真真係會令自己精神非常緊張，有D難以自控！
但原來根據專家既講法，只要跟從以下5招安排日常飲食，就能夠掃除增添體重既疑慮，令你食完甜品都唔會有罪疚感！
1. 食甜品都唔會有罪疚感的「80卡原則」
食甜品係唔係真係一定肥死？原來只要好好安排一星期攝入甜品卡路里的規律，體重就未必會反彈起黎！根據日本神保町代謝診所院長益子茂醫師的《4大生活習慣病2》 一書，只要每星期食一次，一次食80卡路里既甜品就得！但係80卡路里既甜品者係有咩野呢？大約就係45g雪糕、15g朱古力左右。另外你亦都可以用水果黎代替甜品既食慾，例如半個蘋果、一條香蕉，或者兩個橙咁。
2. 食少D鹽減低食慾
如果餸菜太鹹，其實人就會唔自覺咁食多左飯黎調味，自自然然就會令人增加左澱粉質既攝入，從而增加體重。除左增加體重之外，鹽同時都會有機會引發腎病同高血壓，所以都係少食為妙。
3. 咀嚼多D激發飽肚感
其實大家應該都聽過食得快對身體唔好，但原因又係咩野呢？原來食飯既時候食得太快，無好好咀嚼，腦部飽食中樞就無法正常啟動，令人不自覺咁係感覺到飽肚之前，食左更多既食物。所以最好就係每食一口既食物都最少咬30下先吞落肚。
4. 定下以2-3日作為單位既餐單
對於減肥，好多人都會將每日既一日3餐睇得好緊，每餐都會按住個一日既情況去計劃，令人有種透唔到氣既感覺，非常緊張。但其實林泰醫師亦都有係《圖解血糖值保健事典》中講過，飲食計劃應該係要按2-3日作為設計既單位，令人可以按照生活變化攝取最平均的營養。
5. 冷靜面對低血糖症狀
唔小心好好處理節食減肥既細節，其實就好容易引起低血糖症狀，令人出現焦慮、標冷汗、手震等既感覺，嚴重更可能會令人精神迷糊，非常危險。要處理低血糖症狀，有人會建議隨身帶備糖果，但其實固體既糖果要發揮作用，時間係較為長一點的。所以要解決低血糖症狀，較為理想既做法會係飲一杯含糖既飲品，但一定要小心慢慢飲，唔好嗆到。
來源：東森新聞
