【情人節集郵】功夫熊貓拍住拖現真身

原來一霎眼「功夫熊貓」已經去到第三集，新世紀有得影熊貓。SY好高興:「我好鍾意隻獅子呀！ (吓？？ 無獅子㗎喎)， 呢...…上次澳門， 好高嗰隻呀！」

哦！原來SY誤會了「荒失失奇兵」阿力是同一套電影.

其實， 我們沒有正正式式看過功夫熊貓， 2集都是電視播放期間， 偶然看兩， 三節， 所以也難怪SY以為獅子是阿寶的朋友. 

來到第三集， 大隻佬阿寶終於談情說愛， 有情人終成鑊熟， 心諗:「練武之人口味真的與眾不同」， 這位阿美太似細細粒吧！

可能阿寶以為我也看中了細細粒， 竟然要和我「4樓論武」. 吓？？ 一睇都知我又瘦又殘， 你手刀一劈， 我即死...…唔打得唔得呀？

之後阿寶帶我去樓下， 早前被人喻為「好神秘」的戶外兒童遊樂場，齊齊玩迷宮。

其實麵店少東， 肥手肥腳， 點解可以身手較我更活躍？ 我第一時間想到少林足球的阿梅， 造一個饅頭都是氣勢迫人...…勁！！

「竹林八陣圖」內， 逢星期六， 日， (即戶外遊樂場最人山人海的時候)， 更加可以有配對遊戲玩， 究竟公雞碗要配那位主角呢？ 揀啱就有小禮物， 會不會是 細細粒送出香吻一個呢？

走落2樓， 「蓋世五俠」出現啦！！ 好攪笑， 身形最矮細的阿包塞了在後面， 還有....…

施福大師...…旁邊有人見我影相， 不知有意還是無意大叫:「我影依邊， 依邊先係呀？」(哦！原來雙面印刷)

新世紀火車站入口有阿寶與他一模一樣的爸爸企定定等你，同場有小朋友大叫:「點解有兩隻功夫熊貓？」小朋友的爸爸答:「分身術吖麻。」

也難怪...…盧覓雪與阮兆祥有時都很難分別！！ 根本一樣.

春日熊貓村

日期：即日起至20/3/2016 

時間：10am -10pm 

地點：MOKO新世紀廣場 (MTR樓層、L2及L4樓層)