近日流傳亞視將結業停播，亞星5的張偉晉Regent又有些說話講。
其實我本應係參加《ATV亞洲星光大道4 · 跳舞吧！》嘅，但係佢開拍嘅時間撞正我媽咪嘅生日韓國旅行，為咗媽咪開心，我推咗《星4》嘅拍攝，同屋企人去旅行慶祝媽咪生日。本身好唔開心嘅，冇得玩比賽，但係又唔想媽咪唔開心，所以冇計。
點知之後嗰年佢哋再搞《ATV亞洲星光大道5 · 跳舞吧！》，所以就同屋企人備定案先，咁就可以去拍喇。之後好順利入到圍，但係要簽一份比賽嘅Terms，就係完咗比賽之後亞視有權優先簽我做藝人，唔可以簽俾其他公司，如果唔簽呢份terms就唔可以比賽。但係係人都知亞視係冇嘢做，所以我諗咗好耐，亦都俾當時嘅HR寸我，睇份Terms同Contract睇成粒鐘，駛唔駛呀(自己嘅跳舞Job亞視都想抽佣金，所以先要諗咁耐。)！咁我諗亞視都應該唔會簽我嘅，因為我係一個好有原則嘅人，難聽啲講即係比較麻煩嘅人。但係點知一完比賽，佢就寄張confirmation嚟話我經已成為佢哋旗下嘅藝人，被簽約喇。
Be Reasonable
I’m Not The One
亞星5 張偉晉對亞視又愛又恨
https://www.facebook.com/starshk
