【蕉氣勃勃】MONKICHI 馬騮仔瀡滑梯．IG即影即有免費玩

昨晚我告訴SY:「爸爸今日去TheONE影馬騮呀！」SY奇怪:「你前幾日咪影咗囉...…又影？？」

此馬騮不同彼馬騮啦！！ 因為是猴年，所以全部馬騮仔出場坐鎮各大商場，今次是Kitty朋友真．馬騮。 

90後的Osaru Monkichi一原來剛剛滿23歲。看看資料，她是1月13日生日。

其實商場應該早少少佈置，同時舉辦一個生日會，應該會更震撼喎！

今次一走到商場中庭， 即時發現:「嘩！點解依度唔止馬騮仙氣，仲咁香香蕉味嘅？」滿場蕉氣， 到巨型大香蕉，有錯覺想即時剝皮食蕉喎。

雖然今次展覽沒有Meet ＆ Greet，但竟然有一個迷仔版瀡滑梯。老實講，幾好滑幾好瀡，小朋友應該會「瀡不離Pat」，但大人則未瀡已差不到著地。

今次全部馬騮都是毛茸茸㗎！好過癮...…而全部當中最最最有仙氣，一定是這隻專家Dickson版Osaru。我想$600賣樽髮泥過你喎.

另一端有一個扑傻瓜，有分牌，有大鎚，有傻馬騮，可惜只是佈景道具。如果真的可以玩就發達，我會立即帶SY過來，他一定玩到傻都不願走。

今次Osaru與上次杯緣子一樣，有免費IG即影即有相服務，費用全免。

記得只逢星期六、日有，下午4時開始，只要排隊就有得玩，不過得4句鐘。

今次馬騮仔在地面後門， 零零丁丁還有一隻在放炮仗， 有少少可憐呀！ 好似畀老師罰企出班房門口...…莫非馬騮仔真的很曳曳？？

「OSARU NO MONKICHI 蕉財進寶玩樂園」
日期︰1月24日至2月28日
地點︰The ONE UG2中庭及地下露天廣場

IG即影即有相
日期：1月23日至2月28日
(只限逢星期六， 日) ~ 除1月24日
時間：16:00至20:00


大仁生活