【大角咀溫情小店】平食最地道韓國菜 @ 韓國媽媽的味道

今晚去大角咀食韓國菜， 阿太一邊夜遊大角咀， 一邊不耐煩:「問吓人啦！E度咁多車房， 邊度似有韓國嘢食呀？」， 話口未完， 耀眼的招牌就在轉角出現， 一間由真‧韓籍夫婦主理的人情味小店。

老闆：「小朋友食唔食到辣， （我搖頭）， 咁食紫菜卷唔辣， 燒牛肋骨唔辣， 芝士少年糕唔辣， (我想食豆腐湯)， 好辣， 唔得」

半鹹半淡的廣東話， 我問老闆：「點解你中文咁好？」黃老闆笑笑答：「梗係啦， 我嚟香港好多年啦」

原味紫菜飯卷 $30， 是訂位時老闆娘建議我預留的：「因為多人叫， 你留咗就唔驚會賣晒， 每日都係做三十幾份咋」

這個魚肉紫菜卷， 黃、紅蘿蔔、蛋、牛蒡、菜包成， 原汁原味配清清的麻油香， 正正就是回家的味道，SY大讚：「好食過元氣， 不過同平時食開有D唔同， ( E度係食韓國嘢)， 但都係加州卷喎」

之後來的芝士炒年糕 $40， 好攪笑真的有一片正正方方的芝士在鍋的中央. 不過， 點解炒年糕會有湯呢？

我問老闆， 不過他不明我的問題， 於是由笑容滿面的老闆娘崔小姐解畫:「我以前細細個， 媽媽就係咁煮畀我食， 佢係放湯架， 我開舖頭就係想煮返當年媽媽嘅味道，好似媽媽煮返畀我食咁」

（你哋開咗好多年喇？）老闆娘：「啱啱開咗2個月， 我之前做咗十幾年導遊， 都從來唔知有大角咀， 如果唔係有朋友叫我係度開舖， 我本來只係識尖沙咀」

原來老闆娘也覺得尖沙咀的韓國食肆賣價太貴， 所以才不在旺區開舖， 希望大家可以食平DD， 真好！ 這份醃得勁入味的燒美國牛肋骨 $98 連白飯， 連湯...尖沙咀韓店價錢最少也要$150。

媽媽式的煎煮， 咬到連骨都想慢慢啜， 老闆不時走來問你：「啱唔岩食呀？ 小朋友食得到呀？」有點不好意思， 因為下午茶食得太飽， 下次好想試埋煎餅， 燒豬肉。

本來我想繼續八卦， 老闆娘30年前為何捨棄韓國， 長居香港。但她真的客氣得， 由廚房走了出來， 和我傾計……不過人客又愈來愈多， 所以唯有下次再來光顧。

臨走前老闆娘繼續親切的說：「小朋友飽唔飽呀？ 下次有時間記得要再嚟食飯喎， 多謝晒， 下次再見」 兩夫婦向我們揮手道別， 感覺親人一樣。

天寒地凍， 全條街烏燈黑火， 不過CUP BOP的食物， 及人情味超級溫暖。我忽然間覺得好「難兄難弟」， 梁家輝「人人為我， 我為人人」的情懷呀……

大仁生活facebook