今早香港仔隧道往銅鑼灣方向發生交通意外，一架巴士與貨車相撞，結果導致全線封閉。意外發生後，除令香港仔出銅鑼灣方向交通擠塞外，亦爆出一段小插曲，有網民於facebook發文指，負責香港仔隧道的職員與巴士司機發生輕微爭拗，由於他站在巴士司機位置附近，所以聽到司機與職員間的對話內容。
該段發文被其他網友以截圖的方式，轉載於facebook專頁「馬路的事討論區」中。據網友表示，雖然兩車只是輕微碰撞，但由於巴士公司規定，當巴士遇上交通意外時，必須停車及報警處理。於是巴士司機按照公司規例致電999，但因為該路段阻礙了香港仔隧道的交通，隧道職員於是著司機倒車，避免出現阻塞情況，惟巴士司機表明其公司的規定，因此未能倒車，但其中一名隧道職員則語帶威嚇，指巴士司機若不倒車的話就會提出檢控，並指是巴士方面撞人。巴士司機聽罷職員的說話後，指自己「好驚，俾人恐嚇，仲話撞人」，而隧道職員就指自己沒有恐嚇，更表示會控告及投訴該巴士司機。
網民回應：
Lo Fat：按公司指引辦事
Sean Yip：一定唔郁，條隧道行唔到係你既事，我岩唔岩唔係你決定，一郁隨時岩都變錯
Wai Shun Lam：其實好多交外（交通意外）處理手法都係一樣, 睇下邊個縮就揼邊個, 你熄車抆匙唔出聲等差人公司職員嚟到先郁車, 佢都吹你唔漲
Bobbie Sik：死都唔郁啦，有乜事都等差人黎先算
Dennis Chan：俾隧道公司職員嚇親,叫白車
Bakura Ng：車長要保護自己，因為黑起上黎無乘客做證點算，所以唔郁
Kenji Leung：可能隧道職員D語氣問題，一開口就話告你咁就係人都燥啦。
▼有網民PO出一段關於香港仔隧道撞車事件，引起網民熱議。
來源：馬路的事討論區
