【嘆盡4大天王】大眼仔、三眼仔、Minions、蛋黃哥，放馬過嚟啦！

暑假已經想來SkyB，不過因為沒有伴，而且山長水遠，單單坐車也耗一句鐘...…

苦等半年，今日終於有機會啦！！謝謝悅悅家相伴到天邊。

嘆搶眼食物一定是我仁生最大興趣， 當初我正正被這店的大眼仔、三眼仔、Minions及蛋黃哥。

4大天王所吸引...…所以，我今晚找不到理由會放過任何一隻主角啦。

我問店員:「點解無咗蛋黃哥甜品Set嘅」，姨姨答:「暑假限定㗎，只賣兩個月，E家剩返個蒟蒻」

心諗:「一杯啫喱都$20，咁鬼貴...…不過專登入嚟…...梗係照殺啦」

SY大羹一揮， 水蜜桃啫喱上， 蛋黃哥的朱古力眼即走入他的大口內...…朋友P:「其實佢唔係蛋黃哥， 佢係一個『公』字咋」 。

SY即時從口中取口偏淡的啫喱放回原位....「係咪咁呀？ 『公』吖麻……」 (我:嘩！阿囝，你好核突呀！)

三眼仔牛奶抺茶($30)，綠茶味好夠濃，如果師傅拉出三隻眼都正正常常不笑的話，效果應該會更似。

大眼仔抺茶雪糕牛奶($43)，可能混入了忌廉及冰，所以只有綠色的外貌，但就抺茶味偏淡。

悅悅一手大力攪拌三眼仔，一邊說:「我好殘忍㗎！ (我:哎呀！...)，仁叔叔你頭先唔係影咗咩？ (我:係...但我從來都會慢慢飲到尾，都Keep住個公仔沉落底㗎」

(有少少心痛！！)

Minions 芒果芭菲杯($43)，老實說，層次感最豐富，有早餐片，有芒果啫喱，悅悅說:「仲有芒果肉...」 我一邊找一邊問:「有咩？...…E係喎，真係有喎。」

Minions忠粉SY一邊食，一邊說:「爸爸！Minions唔會得兩條頭髮喎，同埋佢眼鏡無咗...…(我:係喎...…左右兩邊黑色的眼鏡帶無咗，你真係好細心喎)」

我問姨姨:「Boxing Day點解咁靜呢？」她答:「可能D人去咗旅行，今個星期六真係靜，不過聯和墟係咁，我哋平時收18:00，一入夜就好少人，唔似市區...…」

家庭式的小店， 其實應該要支持， 雖然...…味道不是太能留下印象， 但起碼賣相可以吸引不少生客過來。

希望大廚可以畫得再仔細一點，  每一份甜品都加入卡通角色， 直情當一間主題餐來做，應該可以更加經典。

SkyB
地址: 粉嶺聯和道9號地舖
星期一至五: 12:00-18:00
星期六及日: 12:00-21:00
星期二休息


大仁生活