【尖沙咀】三隻咖哩老虎X 仙氣烏冬：好食到雪雪聲

鍾意食烏冬多過食飯的SY， 今日知道又可以食烏冬做Lunch，非常興奮。當我們到達海港城2樓，SY即說:「咦？ 依間上次咪食過囉...…」

有時真的不可以小覷這位小朋友的記憶力，我答:「你鍾意食吖麻， 而且聖誕有新嘢喎。」

半年前，我們吃過的超濃薯仔泡沫咖喱烏冬，由潔白食到變返黃咖哩，又有肥牛，又有溫泉蛋...…愈食愈過癮，辣到念念不忘...…

今次白虎($119)不再孤單，因為舖頭帶多兩隻新老虎朋友，三虎齊齊生威！！

又有瓜又有菜點綴的新朋友名叫綠虎($109)，三虎之中賣相最索，不過是齋來的，連我最愛的溫泉蛋也沒有。

素食者的恩物， 店長Hegel說:「之後好多客問白虎可唔可以走肉，因為真係做唔到，所以我哋索性出一個蔬菜咖喱烏冬囉。」

阿太一邊食一邊大叫:「依個好食呀！ 夠青， 又有菜又有瓜。」

我答:「佢係好香， 又有薄荷葉， 我就第一時間聯想到生牛肉河，不過無咗D肉...…怪怪地」， 阿太:「你啲食肉獸都唔知識唔識食， 食多啲菜先有益架。」

非常神秘的黑虎($129)， SY第一時間指明要食:「上次食白色， 今次要食黑色...…我要食咗個黑武士。」(你係咪中星戰毒， 中得太深呀？)

白虎會愈食愈深色， 墨魚汁泡沫剛剛好相反， SY玩得很高興 :「爸爸！ 你睇撈勻會變返白架」 

因為沒有加薯仔，所以泡沫輕身得多，陣陣蒜香...…香得我一定鍾意黑虎多於齋虎多多聲...…

又怕辣，又食到雪雪聲的小朋友:「係呀！係呀！...水...水...好辣...好食， 黑色好食， 我最唔鍾意食菜」

(死！！ 原來佢遺傳咗我唔食菜...…點算好呢！！)

這裡的黑虎是名符其實芝麻糊一樣的黑，不似其他地方落少少黑蒜就算，絶對仙氣噗噗，黑過墨斗！唔會呃秤。

從未想過朱古力再加薑， 成為今日超愛的驚喜熱飲...…

開頭心諗:「會唔會好甜呀！」原來用真正生薑磨汁沖朱古力，薑迷感動，甜中滲微辣又暖胃，簡直像出奇蛋一樣， 一次過滿足三個願望。


白虎咖哩
Tiger Curry ＆ Cafe
地址：尖沙咀海港城


大仁生活