連鎖快餐店麥當勞日前推出全新「廚師早餐」，就廣告中可見，套餐有半件厚多士加牛油、茄汁豆、兩片烘火腿、薯餅和炒蛋，吸引不少食客前去品嚐，但評語好壞參半。

有食客直言，廚師早餐的廣告和現實有明顯的差距：
「雖然圖片一定係謹（僅）供參考，但我唔係好信核突得咁離譜...」、「理想同現實，最緊要睇攝影師既技術。。。。正如婚紗相同平時，都兩個極端啦，所以在此，向尊業既攝影師致敬！」

「人地老麥賣廣告好有良心Ga，你5見人地电視賣廣告左/右下角有（）寫明圖片只供參考的嗎！」、「塊火腿又乾又硬，塊多士又凍哂，早知食返熱香餅！」

「尋日第一個食。都凍的。多士唔多。火腿凍。蛋有殼。」

「仲唔飽過熱香餅= =熱香餅食完返工仲可以捱到18：00收工；昨日呢個3點就肚餓！」

「多士唔夠脆，失敗！炒蛋唔夠香熱，失敗！火腿冇煎過，失敗！此乃M記失敗早餐中之最失敗。」

亦有食客為麥記平反：
「話明快餐店緊係咁架啦，一個個咁靚出餐等到2046啦，你唔係諗住麥記會出到圖中既水準呀？！」

「體諒d員工啦...又要整午餐又要整早餐好辛苦...」

「剛剛食完就看到這個Post...我那份賣相還可以，不過拿起件多士發現是超軟的！我從德福店買的，這間店人流很多，沒想到。。。」

「我食果個唔錯噃！同廣告唔算甘唔遠~」

「同人唔同命？我OK喎~」

「我都尚算係厚多士喎~」

▼有不少人前去品嚐麥當勞日前推出全新「廚師早餐」。

▼網友紛紛上傳自己購買的「廚師早餐」賣相，部份不錯。

 

來源：Paco Yeung、環球膠報