早前大台一個節目「網絡挑機」，請來一班Youtuber上TVB，與不同的電視製作人交流心得，節目中的YouTuber經常被老輩批評、挑戰，指他們拍的影片不專業，沒有大台常用的世界光、camera face云云；其中王晶的言論，更拉到有樓就是成功的標準。有看過兩集《網絡挑機》的YouTuber不服氣，決定來個反擊，近日上載了一段名為《Dear TVB,》的影片，獲得網民一致認同讚賞。

現年24歲的Asha Cuthbert，是居港多年的英國與菲律賓混血兒，早在流行Xanga的年代，她已經是YouTuber。Asha近日拍了一段名為《Dear TVB,》的影片，提到近日大台製作的節目《網絡挑機》，由細到大都讀中文中學的Asha，能說得一口流利廣東話，在片中就用廣東話把想法告訴香港人。她看過兩集《網絡挑機》後十分不滿，尤其是其中一集王晶質疑做Youtuber能否賺錢？買唔買到樓呀？

Asha聽到王晶這番話後，在鏡頭前表示「好唔忿氣，點解我一定要賺到好多錢先叫成功呀？我做緊我想做嘅嘢，已經好成功喇喎。我唔使去一間office，為一個唔識我嘅名嘅老闆做嘢，我係為我自己做嘢，呢一種唔係一種成功咩？係，我係要交租，但我可以慢慢儲錢，總之我可以做我自己想做嘅嘢，係一種成功。」

Asha又批評大台請YouTuber上節目只是一場騷，指在告訴觀眾：「我哋接受YouTuber入我哋嘅生活圈子，但係我哋要俾佢哋知:『你哋未有料，你哋唔夠我哋嚟。」，旨在要香港人洗腦。她又用英國BBC作例子，指外國的電視台都有自己的YouTube Channel，「英國嘅BBC都會同YouTuber合作，呢個世界有好多人，好多唔同類型嘅人，點解唔可以和平共處呢？」Asha在影片中講出的種種價值觀，不但得到網民大讚，就連藝人黃秋生都於facebook上推介這段影片，寫道：「快啲睇Asha條片。呢啲先係我哋應有嘅價值觀。打到班老鬼啪啪聲。」

《Dear TVB,》影片連結