有灣仔區名人飯堂稱譽的「東來居」，數年前推出128元餐蛋飯；想不到，擁有逾30年歷史的中菜館「翠亨邨」，近日亦推出價值158元的「皇牌叉燒飯」。

這款二人用的皇牌叉燒飯配有鹹蛋、菜心、豬油撈，以及秘製醬油，被網民想起電影《食神》中的黯然銷魂飯，並認為物非所值：
「食過之後會相當黯然消魂……？」

「我食唔起... 食得起都食唔飽…」

「二人用？一人都未必夠啦！」

「當我屋企樓下燒臘檔雙拼飯至今還賣$15的時候，再睇睇什麼皇牌叉燒飯$158？」

「食咗曉飛咩~這款食品可能違反了商品說明條例！」

「黯然銷魂飯？叉蛋飯就叉蛋飯喇，扮食神咩！（仲未計茶醤芥錢加一）」

「辛苦錢搵返嚟出外食飯，食物當然要有水準，唔係點醫肚？出一份錢，養你個超貴舖租，養你老板嗰層超貴樓，養你班老板成日話伙記人工貴呀佢地嘅超貴房租，當你絕世好人唔滾唔賭唔吹唔旅行，仲有唔洗養生舊叉燒好過嘅嗰啲! 你仲剩到啲乜可以俾到我入口？.........百五蚊......太平了，應該千五........唔係，應該萬五............」

可是，亦有不少人力撐皇牌叉燒飯，認為一分錢一分貨：
「講真，唔係價錢問題，係質數（素）問題。一客日本炸豬扒飯，香港都要百幾，你叉燒飯未又係一碗飯一塊豬肉開片？點解人地可以賣到咁貴？問題係你所謂皇牌叉燒飯，係唔係用上等米，例如日本米？豬肉係日本豬？定西班牙？有無選過？燒嘅時候有無控制過溫度？醬油點制？係唔係上等醬油？仲有鹹蛋呢，有無選過？雞蛋有無蛋味？」

「食唔起唔好嘈，Zentral一支水都一舊水，樓下士多兩蚊，屋企唔使錢添；大陸車幾萬一部，意大利超跑過千萬都有，都一樣行到彌敦道。」

「79元煎蛋叉燒飯雖然不算便宜，但上次在又一城因為朋友讚好，買了同樣的外賣，都要50幾，因此卑（俾）多20元premium在翠亨邨食也可以理解。在酒樓叫碟炒飯唔會少過100。推主有點大驚小怪。」

「畀租，其實而家係商場食個Tea$70-$80已經好普遍。港豬討厭政治，到$158碗叉飯時又要生要死。」

▼價值158元的「皇牌叉燒飯」。

▼價值30元的不知名叉燒飯。


資料來源：翠亨邨、啱Channel