【心靈感應抽象畫】玩具都可以用嚟畫畫？

「玩具點畫畫？ 咁咪污糟晒囉？」這是我對SY初說出今日去參加「玩具 upcycle 畫筆  畫出內心世界」工作坊時他的反應。

其實， 我第一個反應也是和他一樣。不過，工作坊要求帶棄置玩具過去，記得SY第一時間拿了我放在他玩具盒的「扭計骰」並說:「呢個啦，都唔知點玩嘅。」

(但個扭計骰係我架喎)

今日的工作坊很有趣， 因為連大人也齊齊畫， 不過就是大人有大人一組， 小朋友有小朋友一組...…心諗:「點解又關大人事呢？」

大人都要首先揀幾件玩具做畫筆...…

小朋友就揀心水顏色，然後來一個熱身，就是在普通的環保A4紙亂畫一下先...…

之後就是在回收畫布上畫抽象植物...…

可能SY覺得用車仔當畫筆比較困難控制，所以最後索性用雙手去創作...…這位藝術家非常享受將自己盡情變得污糟邋遢。

畫完植物，便到自由發揮時間，老師問各位小朋友想畫甚麼，SY搖搖頭。

老師問:「咁你最鍾意...…？」SY:「電單車」。 

近期他愛上玩Rummikub，我還以為他會畫這盒棋。

(我聽也未聽過的玩意， 我第一次聽還以為是Barbecue嗰朋友)

鏡頭一轉，返回大人組的一邊，原來他們也是畫植物。大人的區域安全得多，老實說…...我有少少驚走過去小畫家的那邊。

導師阿諾當然就有導師的氣派，單單看他潑油便已經夠專業。

阿太很賣力的在畫，我問:「你用咩心情去畫呢幅畫？」

阿太:「空白嘅心情...」(乜你咁無癮架)

之後的分享時間，有一位爸爸，他說因為壓力，所以本來畫了大半棵樹，索性將樹頂一把火燒去...…

後來大家說:「你倒轉用黃色的根做樹仲靚」(如果畀我， 我一定畫人，燒人好過燒樹，除非佢老細叫阿樹啦)

最後阿諾解釋，原來請家長齊齊畫，因為平常父母只帶仔女去畫班後便離開，今次想家長也一同感受小朋友畫畫的過程、心情、想法…...

我問阿太:「咁你感唔感受到阿囝畫畫時候嘅心情？」阿太:「我梗係感受到啦， 阿Sir話好多似兩個畫嘅畫仲會好似...…你睇」

非常驚訝:「哎呀！你點知呢幅畫係SY畫架？？」很得戚的阿太:「我生佢...…梗係感應到邊幅係佢畫啦」

其實， 我不覺得兩幅畫太似， 但阿諾經過竟然也說:「真係風格同用色都好似...…真係似」，莫非真的有心靈感應？

OOM - Out Of Mind Creative


大仁生活