【Starwars杯緣子】終於連星戰迷都要覺醒

「毒」是會傳染的...…家有瘋狂杯緣子阿太，所以杯緣子的資訊也逃不過她五指山……

2個月前她已經對我說:「Starwars都出杯緣子喎」，心諗:「點解會係星戰㗎？ 好想買！！點可以唔買呀」

每盒490Yen，不過好奇怪，香港玩具舖無返行貨，不甘心捱貴價，唯有自己用日本Yahoo拍賣回來。

多付2000Yen原盒12個寄回來，包保一定可以連特別版齊套。

一邊開盒，一邊興奮，但一邊又會問:「明明杯緣子是女人嘢，點解要連麻甩佬都要殺埋呀？」

最近又忙於食Furuta出奇蛋，因為又送星戰公仔，連同上次SY扮絶地武士換回來的Tie advanced Lego...…

哈哈！！ 這個情景SY見到也說:「個白兵點解要拉住架飛機， 咁得意。」

《星戰》應該是每個男人都鍾意， 否則SY不會無端端也會迷上R2-D2，我問:「你點會鍾意佢呢？」

SY:「細細粒咁得意，唔通鍾意綠色好醜樣嗰個怕怕咩？」

我不明白阿囝點解會說尤達大師醜樣:「佢900歲啦！ 係師傅嚟喎，好勁架，最尾好慘， 會死。」

SY依然無動於衷:「我都係唔鍾意綠色人，我只係鍾意R2-D2。」

我不明白今次的星戰杯緣子，點解Boba fett與C-3PO的姿勢是一模一樣的呢？我記得杯緣子有拱橋，不如將C-3PO製作一個拱橋姿勢，可能更加爆。

特別版就是Shadow trooper暗影部兵， 對小朋友來說基本上與黑武士無異，因為他第一句便說:「即係壞人啦！ 我唔鍾意。」

當我影完相執拾期間， 有人奸笑細細聲:「之後都歸我所有啦，駛乜執，擺埋係我D緣子度咪得囉」

吓！！ 一眾星戰朋友，速逃，這裡好危險呀！  

大仁生活