有網友於Facebook專頁「黃大仙友」發佈一段影片，據指是一名故意撞向女子胸部的男色狼。從發佈專頁上的描述表示，「請各位女士小心此人，剛剛在慈雲山中心遇到他，他會突然撞向你前方(胸部)，在此提醒所有女士及指出此人的惡行」。而從該段20秒的影片可見，現場為一個有蓋的巴士總站，一名身穿黑色短袖上衣的男子，正在急步前走欲避開拍攝鏡頭，惟拍片者一直緊隨其後，突然間男子轉身後狂奔，逃離現場，拍片者亦大喊，「你咁驚做咩啫，你索油呀？非禮呀？」而影片在此亦完結。
有不少網民都在影片中留言指，「 認得佢啦！成日行黎行去等機會！」，亦有網民指該名色魔經常於慈雲山中心出沒，「佢成日好似唔知做乜咁行黎行去，而家睇完段片先知咩事」、「佢上次比人打過嫁啦喎，佢仲敢做既」、「帶定藤條出街，塊面打交差兩下」，有網民更留言指，早前也曾被人偷拍，呼籲各位女士小心。
網民回應：
莊亨利 放大個X街相，認定條友下次盯緊佢一行差踏錯就打鍋金嘅再報警
FS Ho 其實依家個個麻乜佬都係用呢招，所以最好見到即用雙臂護前頂返佢。
Smile Smile 唔止e個人，慈雲山多的是，頭先個死肥佬阿伯扮行唔穩，都係咁撞埋來
Fanny Lui 之前黃大仙中心，比個咸蟲，跟貼我平排望住我心口咁行，正死發霉。
Maybo Mary 黃大仙我都遇過三個變態佬 大家要小心
Alex Chan 要報警至得ga, 齋影有咩用
Anise Cat 竹園邨都有一個
Kenny Chan 總之各位出入慈雲山既女士特別小心，一唔留神就會比疑人有機可乘
來源：fb黃大仙友
