【下午茶時間】自己法式焦糖燉蛋 自己燒！

早幾日，一家三口走去太古城中心玩飄雪溜冰前，其實亦玩了一樣超興奮的玩意，就是到「Paul Lafayet」親手燒Crème brulee（法式焦糖燉蛋）工作坊， Crème brulee食得多， 自己燒真的第一次，勁開心！

不過工作坊前， 當然要先食飽飽， 於是我們便第一時間點了「聖誕月」舖頭的最新出品—雙重粟子的浪漫。

這個正正方方的小小粟子蛋糕 ($45)，單純外表並不太吸引，不過一刀切開，嘩！ 用粟子蓉慕司即如半熟蛋糕如泉湧，勁興奮。

而且蛋糕底並不是我最討厭的海棉蛋糕，而是蛋撻底，夠新意...…如果有酥皮底版本更渾然天成，雲尼拿慕司混粟子蓉慕司原來好夾好夾...…(好食到唔想講嘢) 

至於金色的粟子馬卡龍 ($20)...…雖然這裡已經出名輕甜，不過...…老老實實，旁邊藍色的黑加侖子味委實太出眾，簡直一見鍾情。

其實，馬卡龍一向少食多滋味，不過今次的黑加侖子味，就連抗拒馬卡龍的阿太，竟然一食再食:「酸酸甜甜真係正，好嘢，我咁驚馬卡龍，都鍾意咗佢酸酸地嘅味道， 你唔覺得好食嘅咩？」(係！！ 味道中和咗D甜， 仲愈嗒愈High)

之後就到我非常期待的Crème brulee工作坊，我問:「點解你哋有兩一大一細嘅？」

大隻總理阿John說:「迷你版係有橙味干邑酒， 可能未必啱小朋友」， (係呀！ 正常大版本啱我哋多D喇)

首先由阿John示範正確的燒Crème brulee手法...…其實SY都想試，不過有火，太危險， 所以今次他只可以隔住玻璃「欣賞」我玩...…嘻嘻~

我當然就是攪攪震代表...…我問John:「係咪我將D糖舖個心心都得架？， (John:得...…不過邊邊位無糖無咁好食喎)...…」

於是我便開始印一個心型圖案...…但畫圖零天份的我失手了...…結果就變成了一個「十字架」。

為了「無蝕底」，於是當然邊邊位置也舖一圈糖，結果有朋友說:「真係CrossOver， 中村藤X都出埋...…」哈哈！又會咁巧合？ 早知我整個仁字啦。

這裡的Crème brulee名震江湖，就算我燒得如此怪形怪相，原來味道一樣無被我破壞。(當然無大師嘅巧妙手勢)，但仍然充滿香脆焦糖效果呀！ 

細細力敲碎十字架形的薄脆焦糖，濃濃的蛋香便向我呼叫:「燒完我，食我啦，食我啦」，本來對蛋非常抗拒的SY，忍不住大口大口食不停，我問:「你唔係唔食蛋嘅咩？」(其實我想叫停佢， 因為我都想食一食自己的製成品呀！)

這裡的Crème brulee充滿雲尼拿籽，好正！！好香！！食到不停口的SY:「佢係豆腐唔係蛋...」

阿John聽到就笑笑口:「小朋友你唔食蛋唔得架喎...…不過Crème brulee有忌廉， 有牛油， 仲有蛋，所以蛋係咪好好食呢」

(係囉！！ 聽吓John哥哥講啦， 唔該)

臨走時阿John對我說:「下個月， 我哋會有一個馬卡龍工作坊， 不過詳情未知， 你有時間都可以嚟玩喎」(好呀！)

Paul Lafayet

地址：太古城中心