尋日介紹過三種好有用嘅小發明，大家係咪想知重有咩新發明可以改善大家生活呢？咁就睇埋落去今日要介紹個三個新發明喇！
4.吹氣BB保溫箱 汽車水電都用到
保溫箱後生仔可能唔知係乜，但做人父母嘅，就知BB初出世時都有機要入去住一排。不過呢樣野要裝備充足嘅醫院先有，去到好似難民營就未必有得用。
不過MOM Incubators，就可以解決到呢個問題，因為佢係以吹氣式設計，只要拉開拉鍊，再吹返漲中間個啲氣墊位，就可以畀一個初生BB訓入去。而為咗解決難民營用電問題，佢地重將MOM Incubator設計成可以連接汽車電池，咁樣就去到邊度都用得。
5.迷你水力發電站 一個水泡搞得掂
講開要用電，呢個發明可能係Mobile Hydro應該要頒個獎畀佢。因為平時講開水力發電，大家一定以為要大大個水壩，重要成個瀑布咁先叫水力發電。
不過Mobile Hydro，就用上水力發電站中用水力推動渦輪發電原理，再將將有渦輪嘅水泡固定係陸地上等佢唔好被水流沖走，再放入河裡面，一個小型水力發電站咁就出現喇！
而據估計，呢個裝置可以食300萬住係河邊，但又缺乏電力供應嘅人可以因為呢樣發明而受惠。
6.神奇Marker筆 防晒指數即時睇
雖然呢樣產品唔係幫到窮人，但係對於大家健康都幾重要，佢就係一枝叫Suncayr嘅Marker筆喇！
不過一枝筆又有咩用？其實只要係你身上畫一筆，佢就會因應你當時紫外線強度而變色，咁到時你就知道係時候落啲大陽油、或者搵個地方避下太陽。唔係一個唔該曬得耐，輕就變黑人、重則皮膚癌都有份…
