教育局局長吳克儉早前聲稱自己每月看30本書或雜誌，就算公幹搭10多小時飛機，都能看10多本書，令不少人驚訝其一目十行的能力。今早（12月3日）他出席活動時又來了，聲言自己1個月看30本「書、雜誌同埋刊物」，更以食3餐為喻，大家都不覺得辛苦，認為看30本讀物「濕濕碎啦」！
吳克儉今早（12月3日）出席活動致辭時表示，於1976年大學畢業後第一日，已向自己作出承諾，1個月睇30本讀物，「知識係相當重要嘅，所以我承諾自己1個月睇30本（豎起食指）書、雜誌同埋刊物，講埋呀，講得清楚啲呀。」台下馬上發出笑聲。
他又提到有人指看書很辛苦，但他認為看書已成為他生活的一部分，更以每人每日食3餐為喻，「問返自己，每一日你都食一個早餐、一個午餐、一個晚餐，覺唔覺得辛苦呢？你唔覺得辛苦，因為已經係生活嘅一部分、自己日常習慣嘅一部分，即係我哋叫『Life style』嘅一部分。」吳克儉指周刊每個星期發行，若一周看6本，一個月就可看24本周刊，隨即充滿自信地說：「所以30本，濕濕碎啦！」
他又提到早前吃飯時看某月刊，才得悉中國作家的科幻小說於世界文壇取得佳績。他又說看雜誌對他的生涯規劃有幫助；讀書多少不要緊，最重要能涉獵不同知識。
▲學者沈旭暉早前指書房部分的書足夠吳克儉「再睇多兩日」。
