各村鄉村各處例，某啲公司同行業當然唔需要OT啦，舉個例，做保安無理由要OT掛？另一方面，有啲公司未入去之前你都知一定要OT，例如BIG 4咁，你諗住PEAK SEASON可以凌晨12:00前走的話不如唔好入行。

如果間公司有OT文化，你一定要OT！好多年青人就係諗住：你有你OT，我有我準時放工，作為一個HR可以話你知，死梗！

1)得罪老細

如果間公司有OT文化，即係老細唔鐘意人準時放工，咁你何必要每日做啲乞你老細憎嘅嘢呢？一至五每日放工都得罪老細一次，一個月至少廿次，你話死唔死？

2)得罪同事

同事入面大部分都跟從呢個OT文化，你就唔跟，即係唔合群啦！唔埋堆事少，你令其他同事眼紅，你就準時走，佢地就OT。憤怒的葡萄們一定會係公事上整鬼你，你寡不敵眾，死梗！

3)影響Reference Check

有啲年青人諗住死人都唔OT，騎牛搵馬。新公司請你之前，打去舊公司Reference Check，舊公司只要好老實咁講「呢個人唔會OT」，咁你都幾大劑！如果舊老細仲加鹽加醋，你搵新工勝算率更低。


有好多人想Dislike呢篇文，正常嘅，真相永遠都是殘酷的。

當然OT都有好多種方法愉快OT，下篇再談。