【元朗】超強美味突襲！黑松露海膽手打漢堡

原來， 距離上次食「念念不忘劉華漢堡」已經有10個月， 今日再次來雞地， Eric依然有型的向我打招呼:「好耐無見」。

(真係...…時間咁快就10個月囉)

今日意想不到連老闆娘也有幸遇見。Carol指住Eric對我說:「自從上次你話佢係劉華之後，不知幾多人走嚟問，老闆呢？佢哋真係嚟睇佢，幾好笑...…」

(咁攪笑？？)

Carol續說:「不過，元朗劉華，E家已經變變下，變咗簡稱元華啦，你以後叫佢元華就得」(唔係喎，佢笑起上嚟真係有9分似劉華喎)

劉華說:「一場嚟到，試吓我哋個海膽漢堡，好正架...…」(好呀！ 好呀！ )

劉華漢堡， 依然份量十足， 我問:「嘩！成個銀包咁厚舊牛肉有幾多安士？」

劉華說:「我哋不嬲都係7安士」(足料！真係又香又大件)

劉華更毫不吝嗇的，大大羹放上黑松露...…雖然今次海膽漢堡賣$98， 但有「杯蓋」份量的海膽， 舖上大量松露，還有拳頭大的漢堡，絶對超份量，超抵！

肉汁混入半溶芝士已經絶配，還有食到嘴角自然笑的海膽和黑松露，不得了...…！！

超強的組合， 市區肯定無可能食得到！

原來海膽配手打牛肉，味道可以如此令人神魂顛倒。本來我不太愛海膽，不過，今日海膽先生的餘香，翻騰又翻騰，我已經肯定...…從此會愛你愛到死！

(如果你哋唔係開到咁遠， 我真係想個個星期嚟食)

Eric: 「我哋12月會係荃灣開分店喎...…到時嚟吖」(一言為定， 我一定嚟...…不過， 劉華...…可唔可以係旺角都開多一間呀？)

KC Kitchen

地址：元朗鳳攸南街
時間：12:00 – 20:30