【辭職信故事前傳】大阿姐睇雜誌睇到下屬講佢壞話！

公司班Fresh Grad (簡稱FG) 好鐘意朝早係Pantry成班食早餐細聲講大聲笑，有時仲食到過晒鐘都未返埋位做野，高層早有微言，不過我成日都話算啦新一代係咁。點知今鋪真係保佢地唔住！

唔知邊個咁冇交帶放低左本雜誌係枱度(唔開名邊本)，茶水間嬸嬸想擺左佢落reception 雜誌架，但後來問清楚reception唔擺呢d雜誌，嬸嬸就逐個人問邊雜誌係乜水……結果佢竟然第一個走左去問大阿姐！

大阿姐唔知咩事咁有興致睇雜誌，但神推鬼撞佢睇到圖入面果版！

而家興師問罪，叫人寫低邊個今朝係Pantry食早餐同全公司十大小學雞字跡名單，唉呢鋪有排煩……