臨近聖誕過年，總係各行行業轉會期，有人離職有人入職，有啲高中層嘅職位空缺，有公司會考慮內部晉升，有公司會考慮出面請個新空降。而家愈黎愈多公司都鐘意後者，所以香港地真係魚唔過塘唔會肥。
最近有個會計行業嘅Candidate，CV靚，安排上客人公司面試過五關斬六將都掂！如果佢成功入職，人工可以由2字頭變4字尾，變成點知最尾一步Reference Check 衰左，原公司話佢手腳唔乾淨！
手腳唔乾淨真係可大可小，會計上如果處理帳目手腳唔乾淨，死罪！如果偷公司廁紙文具，雖然罪不至死，但新公司都唔想請呢d 人掛。
我問果位Candidate原公司，點樣手腳唔乾淨？佢地話Candidate係某Coffee Shop 迷，乜都拎返黎，紙巾都拎一疊。
開頭我覺得拎多幾張紙巾咁好小事啫，點叫手腳唔乾淨？之後收到原公司電郵兩張相，話佢食完Lunch返黎台面多左疊咁嘅紙巾，我終於明晒…..無恥嘅人先可以咁樣拎咁大疊紙巾返黎。
扮工室政治
