女生外向 （葉朗程）

梁齊昕與母親梁唐青儀　（蘋果日報片段截圖）

女兒昨晚萬聖節風頭一時無兩，給母親醒了一記耳光。呢一巴，好多香港人好想打，但無機會打，就算有機會都唔敢打。作為女兒，竟大義滅親，幫香港人出了這啖氣，實在太值得記念，香港從此應把萬聖節列為公眾假期。

萬聖節其實好多嘢可以扮，例如兔女郎、美少女戰士、Catwoman等。女兒最後選擇扮「鬼」，還要是一隻殺氣超強的厲鬼，似乎是命中注定。命中注定她要大鬧蘭桂芳，命中注定母親要送她上的士。阿媽想送個女一程，失敗咗，仲要畀個女摑一巴。名符其實係，想送個女一程，點知畀個女送一程。如果唔係扮鬼扮到咁似，呢幕「做鬼都唔放過你」又點會演到咁逼真？命中注定的。

《蘋果日報》沒有報導女兒上車後說了什麼，我回帶聽咗好多次先聽到女兒同個鬼佬 bouncer 講啲乜。女兒說：This mom is not my biological mother，即係呢個阿媽唔係我親生阿媽。雖然明知你講假，但聽到你連阿媽都唔認，香港人堅 high。

Trick or treat？阿媽揀咗 trick。夫人，HAPPY HALLOWEEN。