呢排天口熱，出街行下人都特別燥。不過燥到好似片中呢個車主同差佬咁，就真係燥咗小小。就算有個BB抱著係手都爆晒粗，重要警棍都出埋，使唔使呀？
話說係上星期，兩個軍裝警員係元朗行Beat順手趕下啲違例泊車。不過其中一個車主唔肯就範，重抱著個BB係咁爆粗鬧，點知其中一個軍裝就連警棍都出埋，然後又用粗口鬧返轉頭。
到最後另一個軍裝、司機個老婆連同途人勸阻下，司機最後都上返車，成件事本應可以就咁收場。點之個燥底差佬忽然又拿著警棍上前繼續鬧，結果出動到三架警車到場增援，拉埋個司機返差館先收到科。
究竟我地應該為香港人脾氣越來越差感到絕望、定係發現原來咁多公共資源，原來因為多得呢個燥底阿Sir而使多咗三倍感到可惜？
