網上熱傳一段「惡男狂鬧小男孩」的影片，涉事夫婦更被網友狠批大蝦細；但一則討論區的交帖或許會改變大家的想法，亦令事件變得不知道誰是誰非。

一位網名gigiyoung的女網民在討論區「親子王國」發文指：「上星期一唔舒服去睇醫生途中比個唔識既小朋友追住嚟打，我上星期有開po，今日發現原來個小朋友係有機會，可能係同一個人，如果係同一個人，咁佢即係有可能係慣犯嚟架」。

事實上，gigiyoung的確早於「惡男狂鬧小男孩」的事件發生前，即本月19日在網上大吐苦水：「今日唔舒服，去睇醫生途中，會經過公園，點知突然有個男仔，約8，9歲，喺我身邊一腳踢落我小腿度，勁痛，我呀左一聲，就走左，因為真係唔舒服，想快啲去睇醫生。點知個0靚仔跟住我尾再一拳打落我腰嗰度，我扭轉面鬧：“你有無搞左呀，你媽咪喺邊呀?”個0靚仔竟然再踢我膝頭對落嗰個骨位，痛到我吖。」可是，男孩的父母均沒有現身，故她認為男孩是獨自一人，並只可以一路走，一路扭轉頭鬧，希望對方不再追打自己。

Gigiyoung又表示雖然影片拍攝不到男孩的正面，但他的高度、髮型和身形跟攻擊自己的男孩相似；因此，她斷言：「有機會係同一個人，如果可以認人，我就可以肯定係咪同一個小朋友，希望嗰邊附近唔好多過一個小朋友咁樣踢人啦」。

由於Gigiyoung認為男孩至少兩次攻擊途人，所以替被指是惡夫婦的男女感到不值：「好慘既係，受害人竟然被網民圍鬧，話大蝦細，但其實，咁大既小朋友一腳踢埋嚟，真係好痛架，希望呢個小朋友唔好再犯啦… 遇到同樣事情，依家都可以諗定鬧個小朋友，定真係報警好，鬧佢又話過份，報警又話誇張，我選擇鬧完佢就人，結果真係有機會再有受害者喎，如果下個受害者係大肚婆...」

網友回應：
「其實因為無果段小朋友打人既片，所以人都只睇到個男人幾惡，FB一面倒罵個男人（可能因為呢度多媽媽，諗起自己小朋友比人罵）我就覺得要睇個小朋友係咪有心，如果真係追住人黎打，一定要鬧，家教差，比街外人鬧下，其實無咩...」

「照你咁講，個細路好大可能係有問題的，如果個小朋友真的係有問題的，而個兩公婆唔係第一次遇見佢被佢襲，咁果兩公婆都情有可原...」

「眼看未爲真大家唔好再一面倒，人云亦云。盡量以客觀分析。」

「有時Ｄ野唔可以睇表面！」

▼gigiyoung的確早於「惡男狂鬧小男孩」的事件發生前，即本月19日在網上大吐苦水。

▼Gigiyoung認為男孩至少兩次攻擊途人，所以替被指是惡夫婦的男女感到不值。

資料來源：Gigiyoung

【完整片】惡男不甘老婆被踢 狂鬧細路又報警---http://yes-news.com/38234/