網民Beejaii Chong在Facebook群組「小心駕駛(討論別人駕駛態度)」上傳了數段影片，拍攝一對夫婦狂鬧小男孩的過程。
上傳者憶述在事發當天，一位男孩突然走進荃灣沙咀道的手機店，而且表現無助，但沒有要求幫忙；過了不久，一對夫婦走到店內，並堵塞門口，不斷指罵和多次阻止男孩離開。
就片段所見，男子不但高聲斥責男孩故意踢向他的老婆，又多次推撞對方，更報警要求警方介入；雖然男孩已經嚇哭，又多次道歉，但男子沒有原諒對方，又說：「對咩唔住啊！踢人你講對唔住，我打你得唔得？得唔得！」最終，到場的警察反鬧男子，而由於男孩的父母並不在附近，故被帶到警察看管。
上傳者強調自己數次介入事件，幫助男孩，但不希望上鏡，所以把拍攝到自己的片後剪輯，令大家在片段下集只聞其聲，而不見其人。
網友回應：
「睇佢老婆應該冇乜大礙，撞下就咁慘。得罪兩公婆我諗應該會好慘！」
「咁撚厚肉 踢到都骨折啦！」
「首先，就算小朋友真係頑皮踢到你，佢已經向你倆公婆道左歉，點解你仲要迫到佢咁？你見個小朋友喊到咁又求你原諒佢，其實小朋友自己都知驚，相信都唔敢有下次。男既我當佢粗魯唔識教小朋友，但女既呢？其實你只要出一句聲話原諒個小朋友，叫佢下次唔好，相信你個老公亦會息事寧人。點解一啲愛心同情心都無？換轉係你既子女咁俾人對待，相信你應該會心如刀割。己所不欲，勿施於人，他朝君體也相同！」
「細路可能真係唔啱，道左歉教訓幾句就算，唔駛勞師動眾call差人咁小家呀！仲要大大聲嚇細路，第時細路大個以為惡同大聲就得，咁啱蝦返你仔女咪因果報應囉！」
「小朋友點處理D件事，但作為大人應該最少分開果兩個人渣！」
「其實佢做法係啱的，作為呈堂證據，自己介入，無補於事！」
「個小朋友係未喊之前係咪好惡意踢人先？只睇到佢喊個陣，唔係好公平喎⋯⋯當然，咁情形個小朋友可能吓親，但亦會留下好深嘅教訓，未嘗唔係好事！」
上集：
中集：
下集：
▼Beejaii Chong憶述事件。
▼Beejaii Chong憶述事件。
▼下圖為涉事夫婦。
資料來源：Beejaii Chong
【羅生門】被鬧男孩 疑荃灣故意襲擊途人---http://yes-news.com/38272/
