座落銅鑼灣．極濃豚骨湯拉麵店

今天拉麵癮發作，朋友又想吃點濕濕地嘅食物，遂一起到了銅鑼灣新會道一間未試過的日式拉麵店晚飯試新嘢。這間拉麵店沒有其他「長龍」拉麵店的氣勢，門口沒有太多人等位，基本上我們一到已有位。門面裝修很搶眼，紅色直間木主調配上日式燈籠及大大塊木招牌，傳統中帶點現代感，裡面都是一貫日本餐廳和式裝潢格局，簡單舒服乾淨。而據牆上裝飾資料顯示，原來這間麵店源自神奈川縣，在日本算是具規模的連鎖店，有差不多60間分店，而這間是海外市埸登陸香港的第一間分店。

網上介紹這裡的豬骨湯底很出名，採用百分百新鮮豬骨熬製，遂跟朋友分別點了醬油豬骨拉麵及鹽味豬骨拉麵一試其虛實。點餐紙除了一般可選麵的粗幼軟硬度之外，還可選湯的濃度及油膩度，很是細心，初次惠顧，當然全部選適中最穩陣。

當麵上枱已感到湯底嘅足料，因不用端頭埋去，已聞到濃濃的豬骨湯香味。用料亦算豐富，除了基本的日本豚肉叉燒、筍片、海草及木耳絲外，還伴有平時有些麵店要額外收費的紫菜及鵪鶉蛋。試咗鹽味豬骨湯底先，真的很濃郁突出，甚至比一般坊間出名的拉麵店更濃；而醬油豬骨湯底，除了豬骨湯嘅濃香之外，更滲出點點醬油香，令湯底感覺更鮮味香濃。麵底軟硬適中彈牙，吸收了湯的精華更覺好味。而豚肉叉燒半肥瘦，沒有肉腥味亦夠鬆化，只是得1片略嫌不足；糖心鵪鶉蛋蛋味濃味道Ok，但亦是太細不似溏心蛋般可以夠大隻過足口癮。

縱觀兩款拉麵，都是合格有餘水準之作，但個人覺得有可能會因湯底實在太濃郁而未必被香港人嘅口味或女士受落，建議女仕士可以試試選輕淡口味，加淡湯的濃度，接受程度可能會大點。

每人消費約$90，價錢中規中矩可接受，下次要試埋個出面比較少見的終極雞湯拉麵先！