【不是Cafe】五個餵飼神經的飯堂少年@ 神經餵飼

「神經餵飼」前日突然在FB發現，  心想:「好正喎嗰View， 乜砵蘭街幾時開咗間咁正嘅Cafe？」

怪仁找不到訂位電話， 於是Facebook PM他們， 收到回覆:「無booking的， 唔洗擔心， 我地好隨意的， 到時見！！」(咁我今晚就去)

推門走入店內， 店員打招呼後並說:「我哋今日Menu...」手勢向下， 原來餐牌就在地上...(果然夠神經吖)

原來舖頭由5位朋友合作， 新開張只有三天， 大廚Kevin:「我哋之前係深水埗有間白紙工作室， 兼賣一D小食， 不過畀政府部門警告， 所以我哋咪搵地舖開食堂囉」

我見Kevin很年輕， 八卦問:「你煮咗幾多年嘢呀？」Kevin:「我做咗Cafe十幾年， 我三十幾喇， 好老㗎啦」， 旁邊正忙於洗碗的Cyril接口:「我22歲...…」之後另一女同事Yan:「我17歲」(愈嚟愈細嘅E度D老闆？)

蘑菇忌廉飯的蘑菇認真夠多， 這是囝囝指定要食的， 不過自己一向對意大利飯麻麻地， 好彩Kevin煮的飯已經不算太生吧！ (PS: 我杯雜莓蜜桃梳打超正)

可能有凍朱古力陪伴吃飯， 小朋友今晚幾乎KO了整碗， 這個飯算OK， 不會太忌廉， 不會太膩.

乳酪芝士烤法包， 愛酸的朋友一定喜愛， 如果阿太今晚不是約了朋友， 一定會大讚特讚...…不過我愛甜多於酸呢！！

法包微暖脆卜卜好食， 如果不配士多啤梨， 用蜜桃或芒果， 應該會更合我心意...

小朋友無端端走到前面落地玻璃， 伸手想捉摸街外的「抽煙用長木凳」…...(你以為可以出到去呀？)

囝囝笑笑口:「個玻璃好似無嘢咁， 所以我摸下囉..…真係有玻璃喎」(無玻璃D冷氣咪走晒囉)

這裡的刀叉、清水全部自助式， 而且周圍行、周圍Hea， 暫時就連大老闆Simmy也未有勸止不停搗亂的小朋友， 於是我趁機又走上前八卦...…

(Cafe好好Feel喎！) Simmy說:「其實我哋好鍾意《深宵食堂》， 好想開一間有互動，好有家感覺嘅食堂， 所以我哋唔當呢度係一間cafe， 而係一間飯堂，或者食堂。」

(舖頭名咁得意嘅？) Simmy一邊陪SY玩木頭車一邊說:「嚟呢度除咗可以醫肚， 我哋仲希望可以醫埋大家嘅神經， 紓緩一下緊張」

(絶對做得到啦， 發神經的囝囝要玩你攞去買花用嘅木頭車， 你都係畀佢玩)

「神經餵飼」的神經反射區， 有手作， 有寄賣，治療神經一流。

大家工作有否壓力？ 老闆是否經常無理取鬧？ 生活緊張嗎？ 試試來這裡診治一下吧！

聞說VIP有9折， 計我話:「人人都畀個9折就最好啦...」(不過， 今晚我都無折， 下次我嚟醫病， Tabu唔該9折！！)

神經餵飼

地區:  太子砵蘭街