客戶：我目標要有 2000 個名人出席活動

POT.HK：生意也一樣，有所為有所不為。太過份的商業要求只會把自己弄得焦頭爛額。

作者：廣告界袋底泥

阿勤上個禮拜俾大阿姐急召入房，完全唔知頭唔知路咁行咗入去，原本仲以為要俾人屌屎忽，點知平時西口西面嘅阿姐今日異常咁和顏悅色，好似 d老處女俾人開完苞咁心花怒放。原來其他人都有俾人徵召入房，到 d人嚟齊之後大阿姐就開始宣布。

『我諗大家都知我地公司最近好努力咁 pitch緊個新客，過程非常艱辛，我都 OT 咗幾日同大家一齊迎戰呢個客人』

哇咁多謝呀，d同事做咗幾日通宵你有兩日八點鐘走真係辛苦哂。

『咁個客人有幾大大家都應該清楚架啦，唔清楚嘅就簡單咁解釋吓。其實個客人係一個好大嘅時裝品牌，最近有 grand opening，張單最後我地終於傾咗返嚟啦』

佢自顧自為自己鼓掌，咁其他人都係咁二附和吓。張單係大，個客都係大，但係大家無佢咁興奮都係因為明知接住落嚟又有排做。

個客後尾同我地 brief 究竟佢要 d咩，劈頭第一句就話：

『我地要求好簡單嘅姐』

講親呢句都唔會有好嘢，因為從來個客嘅要求都無一樣嘢係叫好簡單，而個客咁講嘅話都最後只要稍微有少少唔順利都會即刻就話「咁簡單都做唔到」毫無疑問今次個 job 絕對係一個陷阱。

『我地 grand opening 嘅內容都好 standard，而主要想你地做嘅嘢就係，要搵 2000 個明星，名人或者網路名人返嚟出席活動，要 high end，要 social media多 follower，至少一萬人』

『哦明白，咁 high end 嘅定義係？同埋會有幾多 budget左右？』

『high end即係要感覺好高貴嘅，Twins 已經係我地底線，其它都唔得，至於錢方面，我地 expect 你地可以 no cost搞掂，以我地 brand 嘅知名度要搵夠人俾面出席應該無難度』

真係咁容易你做我睇吓呀，我俾返錢你又點話。