有「萬能Key」之稱的鍾志光，肯定不是香港最好的足球評述員，但論親切感，他認第二，無人敢認第一。由笑球員「超級大傻仔，你估你識自動導航咩？」，到上星期在香港成功守和中國後的一句「天道酬勤」，鍾志光已贏盡球迷們的心。

昨日在香港對卡塔爾的無綫直播，去到比賽末段，他一段肺腑之言，雖然講唔出咩大道理，但係令人聽完之後，覺得非常之有親切感，以其電視台的立場，甚至有球迷笑言他是冒住被「炒」的風險說出這番話：

「足球幾能夠震懾人心，香港點解唔好好發展足球呢？鳳凰計劃做左啲咩，我唔去評價，但其實仲有好多空間做好啲，呢股凝聚力，大家一齊嗌We are Hong Kong！幾咁美好啊呢樣野。仲有啊，比賽未完架！」

好一句「仲有啊，比賽未完架！」雖然今場港隊最終無法追平，但如鍾仔所言，香港足球發展，仍有很多空間去改進，就算今次最終真的無法出線第二圈，但今屆未得，還有下屆，下屆未得，再有下下屆，最緊要相信「仲有啊，未完架！」就是這份凝聚力，就連位高權重者，都要出來叨光講句，香港人，「雖敗猶榮」！

 

鍾志光完場前的肺腑之言