特首梁振英去年曾表示：「宗教界、體育界對經濟無貢獻。」但近日全城關注香港足球代表隊的情況，正好向梁振英狠狠摑一巴！上個星期，港足作客逼和中國隊，特首未有發言，但昨晚港隊主場惡鬥西亞強敵卡塔爾，雖以2比3飲恨，但贏盡球迷掌聲，梁振英在午夜時分，以「港隊雖敗猶榮」為題發表網誌，指球隊「改寫了對卡塔爾從未成功入球的歷史，雖敗猶榮。」
梁振英在網誌簡單描述了球賽的戰況，再讚揚港隊在落後下仍戰意高昂，發揮獅子山下精神連追兩球，勉勵港隊加油。
但正所謂，識睇就一定睇網民留言：
「689你有冇睇波？」
「依家就話獅子山下精神，之前明明話冇經濟貢獻。」
「上場對中國就唔出聲，今場先黎叨光。」
「邊兩個香港球員入波啊？答我啊！答岩一個當你贏，唔準google。」
而財政司司長曾俊華日前已大讚葉鴻輝在對中國隊時的神勇表現，不負「英雄輝」之名，昨日更親身到場觀看對卡塔爾的比賽，港隊入球時更與身旁的李華明站立振臂高呼，賽後又在Facebook留言：「Good match！香港好波！」
再有網民將他與梁振英作比較：「如果今晚入場既係梁振英，我懷疑佢出唔出得返黎。」
來源：Facebook
曾俊華與李華明慶祝片段
?pnref=story
