作者：廣告界袋底泥
番左呢份工半年，3個月前某一晚同女同事酒後亂性上左床，之後都有去過開房2次。
其實我對個女仔都有feel，表白過一次，佢當時只係扯開話題又話要考慮下，之後提過幾次都係拖字訣。
點知上個月响另一同事口中得知原來佢有個拍左拖幾年既男友，仲要係同公司IT部門既阿頭，但因為冇同呢個部門接觸過，唔知確實係邊個。 幾日前annual dinner開始冇耐，有個唔知邊度走過黎既男人搵呢位女同事吹水，因我坐女同事隔離，都同個男人有d交流，佢話佢係IT部既，好明顯呢個人就係佢男友。
我成晚都唔敢直視佢男友，覺得有愧於佢咁，反而個女仔神態自若，完全冇嘢咁，真係勁。
走到出門口拎左包爽浪出黎啪左2粒，禮貌上問下佢男友要唔要，佢我拎左粒黎食，女同事之後就跟左佢上車走。
果晚諗番，我食左你d嘢，俾番d嘢你食，當打個和，感覺上釋懷左。
依家我都盡量唔主動搵果位女同事，女同事whatsapp我我都冇乜點覆，費事搞到人地喇…
3 個月前某一晚，我同女同事酒後亂性上左床…
https://www.facebook.com/pot.hk.media
