EX鋼鐵老師眼晴加LED燈

仍是小學雞的時候，在玩具舖櫥窗看得最多的，都是小露寶玩具和合金，據說當年集齊一套POPY合金小露寶角色，要三十萬港幣，好驚人的數字。到有經濟能力，第一隻買既合金就係小露寶復刻版。

除小露寶外，小賓女，小百威，小百拳，小吱喳，小百多，小百明，小百通，小百靈，小百廚...，全片“小小聲“，不過唯一例外既就係佢...鋼鐵老師。如果小露寶最愛既係小賓女，最敬畏既一定係鋼鐵老師，因為每一集片尾，一定會吃一記愛心鐵拳......！

劇中嘅主角小露寶是來自一間機械人學校，該學校是一所專門訓練機械人成為人類嘅的好朋友，而每個機械人本身設計亦有其特點，可用於幫助人類日常生活及建設社會上，每次返學的時候，鋼鐵老師就會因應學生在人類社會上所作的貢獻而給予分數，最低分的可差至零分，而表現最佳而獲一百分滿分的學生會獲獎一個心心貼紙，作為可以成為A級機械人的模範標誌。

EX鋼鐵老師份量十足，因按照早前小露寶和小賓女的比例設定，故鋼鐵老師件頭十足，再計算合金量又係冇得挑剔，名符其實係「鋼鐵」。鋼鐵老稱跟足原著，加上LED燈，眼晴充滿靈氣，稍為略嫌配件較少，手腳可動幅度亦較細，小露寶的設計略為優勝。