高登起底組昨日(5月14日)在Facebook上傳了一張名為「【請廣傳】警察公然係警車入面食煙. . .」的相片；相中可以看到，一名身穿白恤衫的警員，坐在警車的副駕上，疑似正在食煙：當時在其身旁的藍衫黑超警員，沒有加以阻止。

有網友看到照片後，要求查證是否真有其事，以及肇事警員的身份；又指根據<警察通例>第六章28條，規定便裝或軍裝警務人員在市民面前執行職務、直接與市民接觸或乘坐警車的任何時間內，均不得吸煙。可是，亦有網友為相中人護航，認為相片質素難以令人斷地這名警察當時所作的行為。

部份網友的回覆：
「咁又冇咩問題；食支煙，有時都要畀打工仔走盞囉」
「警察都係人，壓力大，食支煙，人之常情啫。。。。」
「入面揸車果個咁似黃日華，拍戲啫。。。」
「藍絲話：其實係用緊牙籤」
「嘩！咁都得？時光倒流呀？拍緊雷樂呀？」
「開工食煙，市民可以！點解警察唔可以？你地冇食錯到！」
「古惑仔扮警察」
「搞錯呀！！！咁都得！！」
「包容下啦........」
「執法者，反其法，你真不該！」

▼網友引述<警察通例>，指相中人可能犯法。

資料來源:Adky Cheung、高登起底組