上回提到陪左個女去上幼兒班堂，佢一入學校

就無視熱情嘅老師們失控咁衝向玩具堆。

我一臉唔好意思，老師反安慰我小朋友係咁嘅，入去玩啦。

班房裡面已經有唔少嘅小朋友同埋家長們，佢地

坐喺自己位玩玩具，我個女則玩緊搶人地啲玩具

。都未同其他家長們道歉得切，老師已經開始話

數十聲要收返啲玩具上堂，可能我從來冇對個女做過倒數訓練，佢唔係好明點解數到十就要停止

做緊嘅嘢，所以當老師數到十，其他小朋友擺返好晒啲玩具坐定定嘅呢一刻，我個女攞住舊積木

好high咁大大聲數到二十！全個班房都靜晒。。。待續