香港唔少人都用緊iPhone，不過有幾多人會用個Siri問野就唔知啦。因為以筆者經驗，Siri九唔搭八程度，同立法會、特首辦班友有得fight。而係美國著名清談節目主持人Jimmy Kimmel，就用喜劇方式去話你知，如果Siri係真人做待應的話，隨時叫杯野飲都會激到你爆血管，真係去澳牛都無咁嬲。（唔講你唔知，其實語音認得最準，反而係Microsoft嘅Windows Phone）想知點激心法？睇下最底條片咪知囉。

不過Jimmy Kemmel係邊個？香港可能比較小人識，但佢係美國做喜劇同清談節目，就一定係黃子華級人馬（單純做比喻），重有佢自己一個每晚見街嘅清談節目Jimmy Kimmel Live，真係唔可以睇小佢。