【功夫熊貓】論武功 俗世中不知邊個高 @ 奧海城

武林盛會竟然出現奧海城， 在毫無期待下， 竟然有一個如同電影一樣的中國式大殿， 簡直意外驚喜。

SY第一時間又跳到阿波身旁， 又大叫：「好舒服呀！！」其實這位小朋友真的任何公仔也不放過。

我問SY：「你仲記得佢咩？」小朋友一邊摸阿波肚腩一邊說：「記得， 上次去澳門米見過囉...佢應該有個師父架？？？」(你又會記得？？ 連我都忘記喎)

於是阿囝就帶我去找師父， 其實我沒有帶他看過「功夫熊貓」， 為何他會知道得那麼多呢？

原來穿過大殿，小熊貓師父就站在桃花樹下， SY主動要求要「嘩喳」來一張飛腳獨照， 為何見到師父不是要下跪， 而是起飛腳呢？

師父對有一間$20練功房， 內有體感有遊戲， 向左走向右走來逃避饅頭的遊戲， $20玩2分鐘。 幾鬼貴！！ 

蓋世豪俠悍嬌虎正在出龜波氣功， 我叫SY去出超級波去擋一擋， 誰知剛剛相機無電， 我叫他停一停， 換了電再影， SY大叫：「擋完未呀？ 不如同我玩捉依欣啦！爸爸」

其實， 這位小朋友真的精力超旺， 每次「捉依欣」也可以不停在場內狂奔， 今晚捉了七次， 我不知多想坐在神龍大俠麵店休息一下。

不過木凳全被強國人攻陷， 點解大角咀也會有如此多強國人士呢？

靈鶴在吃麵， 我叫SY去賣蒸籠賣包， 他一打開蒸籠大叫：「無包架， 無野架？？」我叫他幻想一下啦！

不過SY好像不太明白， 這時有小朋友走過來， 我話：「你賣個叉燒包畀小朋友啦！！」他作狀給了小朋友， 小朋友可能怕害轉頭走了， 阿囝：「點解佢唔幻想一下畀錢呢？」

靈猴樣子真的有點可怕， 所以SY不願合照， 於是我就自己周圍影影影， 奇怪為何不見他跑來跑去， 原來他在大殿看叮噹宣傳電視， SY：「多啦A夢呀， 上星期睇嘅呢...(你米睇過囉？)， 多啦A夢好睇啲， 功夫熊貓都唔好睇。」(係這位小朋友話過鍾意熊貓， E家又變卦)

計我話賀年商場情景不用一定跟生肖的， 誰說慶祝羊年不可以用熊貓？ 今次奧海城的賀年陣好有氣氛， 又宏偉， 如果有多些遊戲配合就更加好， 最好是免費遊戲啦！！