香港緊急車輛 Crossover LEGO 紀律部隊人仔 系列

今日想同咁多位師兄分享吓嘅係，分別由本地兩間不同公司自家制作嘅香港緊急車輛系列及LEGO紀律部隊人仔系列，首先想講嘅係難得香港仲有人咁有Heart去為本地玩具界出一分力，記得係好耐之前香港不時都有出產自家制作玩具，好似以前細個玩嘅路軌火車、電子步行機械人等等，隨住時移世易，香港自家制玩具已經式微到無一個好低嘅情況，要數近排嘅可能就係之前令到好多師兄玩到發火嘅奇蹟合金15機合体，可惜因為監管質素不力，到最後都係敗筆收場！

而依兩間公司自家出品嘅產品，不論手功及設計都非常細心，制作之前亦做足資料搜集，務求令到產品與實物做到十足相似形態，而緊急車輛系列亦唔似之前汽車模型纯擺設設定，加入大量LED做燈飾，及加入三段聲效做嚮號，真正做到有聲有畫效果！

而紀律部隊LEGO人仔系列之前啟田邨SDU出動事件已經同大家分享過，亦深受大家歡迎更加仲有媒體作出介紹，而據兩間公司負責人稱，未來日子會不斷推出其他部隊系列，例如救護、消防、交通警等等...

而本人亦十分支持本地制作亦期待可以再同大家分享其他新製品！

（特別嗚謝緊急車輛模型工作室Emergency Models Studio/Batisbricks心血傑作）