『風雲』終於都黎到第675期『最後一期』的『風雲 最終回 草稿畫集』了！
早前有入場睇草稿畫展o既師兄師姐們，你地覺得呢個 展覽 + 結局 滿意嗎？
我自己就無入場睇哪，因為預o左佢九成會出書搵多一畢呢！嘿嘿嘿！

而早兩日，就係畫店揀o左本自己喜愛o既『紅色 x 聶風』封套版本，感覺上不錯...但一舊水值唔值就見人見智囉！
封套用『砂面膠片 + 燙紅色』制成，內附兩冊書，一本『風雲草稿結局編』，另一本『漫筆心經 二 風雲道』！

『草稿結局』有點是值得一讚！
就是內頁使用了類似七八十年代舊式漫畫之『米黃色紙』，可惜就無o左當年果陣『臭臭地』o既紙張油墨氣味，而頁內則印上沒有對白的黑色草稿內容。
這感覺上就似回到當年細個時『字都未識得多隻』，就拎起舅父本黑白漫畫齋睇公仔一樣，確認好有想當年 feel！
話雖如此，但唔知係咪因為『堅係草稿』，所以有好多頁畫面都『矇查查』，唔知以為自己『老花嚴重了』添！哈哈哈哈！

看罷這『草稿結局』.....根本就是『留有伏線』，隨時可以再畫多本『外傳』呢！嘿嘿嘿！
除此之外，我還隱約覺得在不久將來，就會有一本因『徇眾要求』而印制的 彩色 + 有對白 之『風雲結局編 - 完全版』！呵呵！

至於另本『漫筆心經』，都係等過年得閒...慢慢有心機....先至睇了！