牙膏成份你要知！韓國蘆巴斯天然草本牙膏

做咗咁多年人都冇諗過牙膏成份原來冇乜人重視過... 或者大家只係想刷牙嗰陣夠薄荷蓋過口氣？夠多泡以為會乾淨啲？刷完牙會令到啲牙白淨啲？牙唔同皮膚，唔會「吸收」牙膏入面嘅成份，如果刷完會變白淨，咁究竟係啲咩化學成分呢？話晒牙膏都係啲有機會吞落肚嘅嘢，真係唔可以由得佢唔清唔楚！介紹下呢隻韓國製造嘅蘆巴斯天然草本牙膏，從此買牙膏你又多一個選擇！

韓國理工大學及Lubas Bio合作研發製造嘅蘆巴斯草本天然牙膏，配方以草本發酵技術，萃取六種天然植物成分，絕無氟化物及有害物質！

茶樹：減慢口腔老化
川芎：減輕牙痛、牙血問題
甘草：保持牙肉健康
梔子花：紓緩口臭、牙齦腫痛
白桑：抗菌、對抗牙周病
蜂蠟：抗菌抗炎、預防蛀牙和牙周病、減低牙石積聚和牙齦炎機會

深層潔淨+天然美白，輕鬆解決口腔問題！

老實講，天然成份嘅產品，無論係護膚品、洗頭水、甚至係牙膏，都唔會似化學產品咁多泡泡同埋咁快見效，啱啱開始用嗰陣可能會有啲唔習慣，佢真係冇咁薄荷、亦唔算多泡（但佢係有泡嘅）但持之以恆咁去用，效果慢慢就出嚟喇！我覺得牙肉真係冇咁腫（本身呢排好熱氣）。佢隻味其實幾討好，帶少少冰涼嘅草本味，幾舒服，帶住口罩焗全日，唔會比自己臭親（你懂的）

天然成份牙膏最最最最大嘅賣點，就係萬一一個唔小心食咗落肚，都唔會有事。少量嘅化學品你食咗未必會死，但日積月累會變成咩嘢，你同我都唔知。韓國蘆巴斯天然草本牙膏，大人細路都可以用，一家大細用一支唔洗特登買支細路版，講真，對於我個蚊型廁所洗手盆位真係慳到啲儲存空間㗎！有興趣可以去佢哋官網同facebook睇睇！

https://www.lubasbio.com.hk/
https://www.facebook.com/LubasBioHK/

**產品/產品資料由品牌提供，真心分享。歡迎電郵查詢。

ngayiellie@gmail.com
http://www.facebook.com/popcornellie
http://instagram.com/popcornellie
http://popcorn-express.tumblr.com