慈善團體「仁美清叙」將於下月2號舉行重組十周年慈善晚宴,屆時主席程瑤將聯同榮譽主席羅霖,率領一班「仁美」成員於台上獻唱歌曲《世上只有》。當晚程瑤還請了好友吳國敬於晚宴中上台唱歌夾band,今次隊band好特別,吉他手請來Mr樂隊的Ronny,而鼓手竟然是程瑤的17歲兒子朱震軒,程瑤表示︰「我和阿敬份屬好友,所以大仔由細聽阿敬唱玩火聽到大,今次估不到為慈善可以一齊夾band,綵排當日個仔見到咁多前輩都完全不怯場,相信表演當晚一定更精彩。」

昨日程瑤、羅霖、王瑋以及梁雪瑤到觀塘錄音室為歌曲練習,提到今次會上台表演,程瑤表示與羅霖和王瑋同屆參選1991年亞姐時,三人已經有一齊唱歌,令她勾起不少回憶︰「我們三個都是同屆參選亞姐,選亞姐時試過一齊唱歌錄音,當年的少女今天已變成多個孩子的媽咪,另有一番感受。」羅霖則說︰「轉眼已有廿幾年,好開心大家的友誼可以去到咁多年,真係唔容易好難得。」

甚少唱歌的羅霖與程瑤綵排時唱得有板有眼,二人則笑言還有進步空間,不過歌手出身的王瑋亦大讚二人的歌喉「可以出碟做歌手」。至於2018年亞洲小姐香港區冠軍的梁雪瑤稱能與三位前輩一起唱歌非常榮幸,她又大讚前輩王瑋的歌喉︰「之前在藝人之家見過王瑋,現場再聽佢唱歌真係好厲害,好有味道。」

提到揀選獻唱《世上只有》,程瑤表示與「仁美」表達的愛非常相似,希望將這份愛回饋社會。已為人母的程瑤與羅霖均表示聽到歌詞非常感動,羅霖表示︰「以前在收音機聽過這首歌,到要練歌時聽到歌詞,真係好感動流淚,因為好感受到我母親對我的照顧,甚至是身為三個仔女母親嘅嗰份愛。」程瑤則笑說︰「我身為母親,每次聽到都好感動,都會眼濕濕,眼淚自然會流,不過今次為了練呢首歌,終於衝破咗冇再喊。」


 程瑤兒子為慈善做鼓手 同吳國敬一齊jam玩火

 https://www.facebook.com/starshk