溫碧霞澳洲搵小模特兒為自家紅酒拍廣告

溫碧霞(Irene)早前到澳洲為自家的紅酒品牌「碧霞莊園Irene Estate」拍攝廣告，其中在海灘取景時，遇上當地一位可愛的3歲混血小模特兒Evelyn Roach，Irene一眼就睇中小美人Evelyn，即時臨場邀請Evelyn充當小模特兒。

小小Evelyn見到美麗又愛心洋溢的長髮姐姐Irene也被吸引至兩眼發光，主動拖著Irene的手，不時望著Irene讚好靚。拍攝當天的海邊相當大風又帶點冷，兩人坐在沙灘上溫馨地互相撥弄散亂的頭髮，又不停喁喁細語，最搞笑是場面相當溫馨之際，小小Evelyn突然發覺自己的外套裡面跟Irene姐姐一樣同是背心裙，突然堅持要脫下自己的外套，跟Irene姐姐一樣穿背心裙。

後來兩人再一齊坐在海邊玩沙，小小Evelyn又再突然發現Irene姐姐背心裙外，原來有件外套，夾硬要除去Irene姐姐的外套，愛心爆棚的Irene不想令小妹妹失望，聽話地除下外套，氹到Irene哈哈大笑兼心都軟曬。

一向十分喜歡小朋友的Irene冧曬說：「呢位小model真係好可愛，佢同我講，話想我做她的家姐，哈哈，超Cute。我地幫佢改咗個花名叫『小海潮』，我覺得Evelyn好似我，都有一把好靚的長髮，又喜歡海，又愛自由，又唔怕醜，她不用埋位時就會好乖咁靜靜地自己走到一旁玩沙，玩大字馬及跑來跑去，睇見她自由奔放，無憂無慮好開心的樣子，令我想起童年時在調景嶺通山跑的日子。」