近期真係出好多金剛飛天鑽，之前隻ET兒童樂園餐真係中晒伏，聞戰鼓思良將，突然諗起呢款經年作品。飛天鑽配磁石波，唔肯定佢係咪第一款，但效果肯定好過ET。


呢款作品外形未必及近年開發既咁討好，但設計上和價錢上可以俾到老餅很多回憶；射嘢係舊玩具既共通點，呢款雙手和心口均有發射裝置，可仿效磁力飛拳和磁力炮，當然，配件要好好處理，唔係好易射失。


但唔講大家可能唔知，目前為止，大多同類產品都附有磁力飛馬，可進行人馬合一變身，但唯獨當年既超魂鋼鐵神沒有飛馬配置，估唔到呢款懷舊作品，設計飛馬時竟然顧及鋼鐵神，兩者可完全合體，俾個叻佢。