陳慧敏被淘母娘娘帶食雲長小龍坎 慧敏哥感謝巴打絲打愛戴

上回講到石仔慶高彩列期待同偶像慧敏哥Vivian食飯。點知淘母娘娘先洗開左石仔去屯門，原來佢一個唔該就約左慧敏哥Vivian食飯，飛起左石仔。不過直播中有個男人走黎走去，原來佢係08優惠聯盟版主阿縉，今次石仔真係賠了夫人又折兵。

原來佢地去左尖沙咀食火鍋，好出名陳柏宇有份開既雲長小龍坎老火鍋，三人行食左1個鐘。短短一小時吸引左 3萬幾人流，非常利害。

慧敏哥話：蘋果茶幾好飲夠潤，食火鍋咁燥熱最岩飲，值得推介。

巴打絲打好欣賞慧敏哥找數，慧敏哥多謝一眾巴打絲打群朋友。

淘母娘娘話：紫菜響鈴淥完紫菜仲好有紫菜味。

(STARSHK 資料圖片)

慧敏哥話聽日(今日) 要錄音，仲要錄4-5個鐘，唔知係咪真係太好食一直食唔停。慧敏哥自彈自唱送上多首歌曲包括：《歲月的童話》，送比無份食飯既石仔同一班支持佢既巴打絲打。

Coco 講左好多次個牛肉好好食，應該唔似賣廣告，無理由件件都講一次。

(STARSHK 資料圖片)

餐飯尾段，石仔再次facebook live 亂入，右上角拍到石仔已經由屯門出到荃灣西，趕唔切食今餐咁美味既火鍋了。

石仔有得睇無得食。

餐廳:雲長小龍坎
地址:尖沙咀金巴利道28號君怡酒店1樓
9:00後7折同送人頭汽水 (詳情問店職員)

經過昨晚後，浩楠見石仔咁慘無得食。叫石仔唔好灰心，再約心儀女藝人食飯，等浩楠下次帶石仔食餐好既。