岑麗香最近一口氣接了數個工作,更首次與OTO合作,以代言人身份為全新Q-Seat足部按摩器拍攝廣告。OTO發言人透露,「睇中」香香任代言人主因,是被香香的樂觀開朗性格及甜美笑容吸引,並希望藉香香向港人發放正能量。

近期揚言努力增肥的香香,現場所見手腳依然纖幼,而為了突顯OTO的「足部按摩」功能,香香更識做地穿熱褲登場,大晒白滑長腿。雖然拍攝時間長達十數小時,但香香在拍攝現場依然活力無限,更不時做出古靈精怪的動作及表情,為現場眾多工作人員帶來不少歡樂。

問到香香的美腿秘技,她笑言:「作為藝人,經常都要長時間著住高踭鞋,對腳自然容易酸痛,所以我平時都好鍾意做按摩舒緩番對腳。所以今次做到Q-Seat足部按摩器代言人,真係一舉兩得,除咗有『開心價』酬勞之外,又可以免費按咁耐腳,哈哈。」問到酬勞有否七位數字時,香香即大晒甜美笑容回應謂:「哎吔,總之係開心價啦!」再問她為何工作長達十數小時,都可以愈做愈精神,香香表示:「因為呢個廣告真係好寫意,我唔係坐喺度就係捱喺度,仲要按住腳咁,根本係享受。我仲有趁拍合眼表情嘅時候順便闔一闔,好有叉電作用架。」

即將遠赴歐洲出席時裝活動的香香,透露此行將拋下老公隻身前往,不過香香卻笑指不會掛念老公,並謂:「我期待咗出席時裝活動已經好耐架喇,所以興奮都嚟唔切呀!」


 岑麗香擔任足部按摩器代言人

 https://www.facebook.com/starshk